Frangee Francais
Caslys-cheerey ny Frangee as eebyrtys ny Frangee
Earroo yn phobble
m. 100 millioonyn
Ardjyn lesh sleih mooar jeu
Y Rank (67,413,000, goaill stiagh ny rheynnyn harrish mooir ) Ny Steatyn Unnaneysit (10,329,000, goaill stiagh adsyn jeh sluight Frangagh) Y Chanadey (7,167,000, goaill stiagh adsyn jeh sluight Frangagh) Yn Argenteen 6,000,000, goaill stiagh adsyn jeh sluight Frangagh) Y Vrasseel (1,000,000, goaill stiagh adsyn jeh sluight Frangagh)
Chengaghyn
Frangish son y chooid smoo, as chengaghyn Romansagh elley as ardjynagh elley Nah hengey: Baarle (ayns America Hwoaie son y chooid smoo), Spaainish as Portiugish (ayns America Yiass son y chooid smoo
Craueeaght
Creestee son y chooid smoo lesh mynlee Moslymagh as meechrauee

She possan kynneeagh as ashoon 'syn Oarpey Heear son y chooid smoo ad ny Frangee ( Frangish : Francais ). Ta cultoor , shennaghys , as glare Rangagh er nyn rheynn ny mast'oc, as adsyn kianglt rish cheer y Rank .

Ta ny Frangee, goaill stiagh loayreyderyn dooghyssagh ny chengaghyn Oil voish twoaie as mean y Rank er lheh, jeh sluight ny Goail (goaill stiagh ny Belgae ) as ny Rauee (ny Goal-Rauee ), chammah as jeh sluight Germaanagh lheid as ny Frankee , ny Visigothee , ny Suebi , as ny Burgoonee hie dys Goal voish y cheu hiar jeh'n Rhine lurg tuittym yn Impiraght Raueagh , chammah as adsyn voish tonnyn elley yn arraghey stiagh ta foast ayn jiu. Ren ny Loghlynee cheet dys, as cummal ayns, y Norman 'sy 10oo eash as chur ad dy mooar rish shennayraght ny Normanee . Harrish shen, ta mynlee ardjynee ayns cheusthie jeh'n Rank as linnaghyn, chengaghyn, as cultooryn er lheh oc, goaill stiagh ny Britaanee 'sy Vritaan , ny h-Ocsitaanee 'syn Ocsitaan , ny Bascee ayns Cheer Vascagh y Rank , ny Cataloanee 'sy Yn Chataloan Hwoaie , Germaanee 'syn Alsaash , as Flandrynee ayns Flandyryn y Rank .

Ta shennaghys liauyr jeh cliaghtaghyn ynnydagh as anchaslyssyn ardjynagh ec y Rank, as ga dy vel y chooid smoo jeh'n phobbyl loayrt y Rangish , ta chengaghyn lheid as Picardish , Poitevin-Saintongeais , Franco-Provencal , Ocsitaanish , Cataloanish , Auvergnat , Corsickish , Bascish , Flandrynish Rangagh , Francoanish Lorraine , Alsaashish , Normanish , as Britaanish goll er loayrt ayns nyn ardjynyn er lheh. Ta Arabish goll er loart dy lheeadagh chammah, y chengey vynlagh smoo 'sy Rank, ynnyd va freilt ec y Vritaanish as yn Ocsitaanish hannah hene. ^[1]

She pash lheie ee sheshaght noa-emshyragh y Rank. ^[2] Voish mean y 19oo eash, hie ram sleih dys y Rank, goaill stiagh Spaainee , Portiugee , Iddaalee , Arabee as Berberee , Ewnyn , Affrickee Fo-Haharagh , Sheenee , as sleih elley voish yn Affrick , yn Niar Meanagh , as yn Aishey Hiar , as ren y reiltys, as eh cur sheese y Rank myr ashoon ooilley-ghoaillagh marish feeuidyn cadjin, moylley lheie as arreyderyn stiagh jerkit glackey rish feeuidyn as cliaghtaghyn cadjin Frangagh. Son y chooid smoo, ta seyraanee Frangagh smooinaghtyn dy nee yn ashoonaght unnane as y teyraanaght , gollrish y leigh Rangagh.

Gollrish y Rank vooar-heeragh, ta Frangee as sleih jeh sluight Frangagh ry-gheddyn er feie ny Cruinney, goaill stiagh ayns rheynnyn as thallooyn harrish mooir y Rank lheid as ny h-Injyn Sheear Frangagh ( y Charib Rangagh ), as ayns cheeraghyn joarree as possanyn Frangisheyryn ny dyn ayndaue, lheid as yn Elveeish ( Elveeishee Rangagh ), ny Steatyn Unnaneysit ( Americaanee Rangagh ), y Chanadey ( Canadee Rangagh ), yn Argenteen ( Argenteenee Rangagh ), y Vrasseel ( Brasseelee Rangagh ), Meksico ( Meksicee Rangagh ), y Chillee ( Shilee Rangagh ) as yn Ooraguay ( Ooraguayee Rangagh ). ^{[3] [4]}

Imraaghyn [ reagh | edit source ]