She rang fockle eh
ennymockle
.
Dy tradishoonagh, ta meenaghey yn 'ockle cheet er "ennym red, pheiagh, eie, jannoo..." as y lheid.
Ta
chengoayllee
meenaghey ennymockle rere'n aght t'ad cochiangle ayns raa, liorish prowal formoil. Un fa dy vel ad credjal shen, shen nagh vel cagh cordail rish meenaghey "nhee"" ny "jannoo".
[1]
- "Cre'n sorch dy ennymockle ta
jeerid
ny
anvea
? T'adsyn ny smoo casley rish staydyn na "nheeghyn"; agh dy tradishoonagh, t'ad gra dy vel fockle ta cowraghey stayd ny vreear. Agh ta prowal scaalhean formoil taishbyney dy nee ennymocklyn t'ayn, er y fa dy vel y ghaa cur dy kiart ayns "scoltan" ennymockle, myr sampleyr:
foddee ___ cur aggle ort.
"
[2]
Ta'n ymmyd jeant jeh ny prowaltyssyn shoh dy gheddyn magh dy nee ennymockle (ny
abbyrt ennymocklagh
) t'ayn ny dyn.
Ta ennymocklyn ry-akin dy mennick lesh
reagheyder
. Cha nel reagheyderyn ry-akin agh lesh ennymocklyn. Myr sampleyr:
- Row
yn coloayrtys
anaasagh.
- *Row
yn coloayrt
anaasagh.
'sy Ghaelg (as shiartanse dy hengaghyn elley), ta'n cooish shoh lieh-'ollit dy mennick, er y fa nagh vel eddyrscarrey baghtal eddyr breearyn as ennymocklyn.
- Ta'
n screeu
doillee.
Enmyn as kione ny cass y raa
[
reagh
|
edit source
]
Prowaltys elley da enmyn, shen my foddee fockle (ny raa) ennagh jannoo obbyr kione ny cass y raa.
[1]
Raaghyn sampleyragh:
- Cha nel ___ ry-gheddyn jiu.
- Ta ___ er cheu elley yn awin.
- Honnick ee ___.
- Haink ___ erriu.
(Cha vees dagh ooilley abbyrt ennymocklagh goll dy mie ayns dagh "scoltan" kione ny cass, er coontey keeal y raa ny er coontey abbyr cliaghtagh;
Haink y vunscoill erriu
ny
Ta saveenys er cheu elley yn awin
.)
Ayns ymmodee chengaghyn, ta
coardailys grammeydagh
ennagh eddyr breearyn as king (ayns chengaghyn elley, ta coardailys eddyr oc as cassyn ny keayrtyn; fir jeu, rish reddyn elley myrgeddin, myr sampleyr, yn eaishtaght). Dy ghra myr shen, ta'n breear caghlaa cummey son dy 'choardrail' rish troyn y chione.
'sy Ghaelg, cha nel monney coardailys, er-lhimmey jeh beggan 'syn
emshir ry-heet
as y
kianglagh
.
- Hed
yn ooh
er ee.
- Hed
shiu
er ee.
- Hem er ee.
Ta'n sampleyr shoh soilshaghey magh dy nee
ooh
,
shiu
ny (in-hoggit)
mee
kione ny raaghyn heose.
- ↑
a
b
Maggie Tallerman (2005).
Understanding Syntax
, 2oo (Baarle).
- ↑
Maggie Tallerman (2005).
Understanding Syntax
, 2oo (Baarle), 30-31. “Baarle: "What sort of nouns are
sincerity
and
turbulence
? These seem more like states than 'things', yet a word which expresses a state is supposed to be a verb. But a formal distribution test shows clearly that both words
are
nouns; they fit another typical noun slot such as: ___
can be frightening
"”