1595
sa roun lannen koumin ki ka koumanse oun dimanch.
- 27 janvye : koumansman di soultannat otoman di Mehmed III (finisman an 1603). Pou evite tout konpetisyon, Mehmed III ka fe egzekite 19 di so fre kade e 10 de lepouz di so papa ki nou ka soupsonnen di fika lansent (1596). So manman egzerse pouvwe-a a so plas.
- 2 avril : koumansman di vwayaj di olande Cornelius van Houtmann an Lenn e an Insulinde pou kont-a di kanpagn-an Van Verre (finisman an 1597). Li ka atenn Banten(Java) kenz mwa plita.
- 4 avril : Walter Raleigh ka anpare so ko di Trinidad. Li ka anprann di gouvelno di zil-a, Berrio, ki ka tchenbe li di roun nonmen Martinez, lejann-an di l’El Dorado, rwe ka benyen so ko kouvri dilo annan lak-a di Manao. Li ka roumonte Lorenok-a an pirog a so sase me pa ka trouve anyen. Li ka routounen an Lerop kote li ka partisipe a priz-a di Cadix(1596) e di Fayal (1597) e ka lese kolonni a so lyetnan Keymist Masham ki ka pedi li o profi de Espagnol.
- Avril : Shah Beg, roun lofisye d'Akbar, ka pran Kandahar o Sefevid.
- 5 me : jezwit-a Jerome Xavier, akonpagne di Manuel Pinheiro ke di Bento di Gois ka rive ate Lahore, an Lenn, a lakou-a di lanpro moghol-a Akbar (finisman an 1614).