Sa paj ka konsernen lannen
1793
di kalandriye gregoryen.
- 9 janvye : fondasyon di Sosyete patriyotik-a di La Havane.
- 16 janvye, Birmanni : lirwe-a Bodawpaya ka rache Tenasserim a Taylann-an.
- 19 mars : Zil-a di Laregnon-an ka pran so non atchwel.
- 8 me : Charter Act, lalwa britannik ki ka rinouvle chart-a di Konpagni angle de Lenn oryantal. Lalwa-a ka enterdi o Endjen ki anplwaye pa konpagni-a di touche roun saler siperyo a 800 roupi.
- 20 me, Afghanistan : lanmo sispegt di dezyenm padishah, Timour Shah Durrani. So tiboug Zaman Shah Durrani ka sigsede li asou tronn-an. Sa dimi-fre ene-ya ka dispite li pouvwe-a e lager sivil-a ka divize peyi-a pannan trant lannen.
- 25 me, Assiout : koumansman de esplorasyon di George Browne an Noubi e o Darfour(Soudan atchwel) (finisman an 1796).
- 29 out : rouprezantan-an di Konvansyon nasyonnal-a Leje-Felisite Sonthonax ka proklanmen labolisyon-an di lesklavaj-a annan kolonni-a Sen-Donmenng anba presyon-an de ensiregsyon ki dirije pa Toussaint Louverture e annan lespwe-a di reziste o menas di Rwayonm-Ini e di Lespagn-an.
- 3 septanm : kapitchoulasyon di gran Anse. Kolon-yan di Sen-Donmenng ka alye ye ko o Britannik pou livre ye kolonni-a.