In rek mei tydskriften yn in winkel.
In
tydskrift
of
bled
(de
Ingelske
beneaming
magazine
komt ek foar) is in periodyk ferskinende
publikaasje
dy't per
oplaach
bestiet ut in samling
artikels
en in ferskaat oan begeliedend of op himsels steand
fotomateriaal
. Yn 'e regel befetsje tydskriften dernjonken tsjintwurdich ek (faak in grut tal) betelle
advertinsjes
. Yn 'e gefallen dat dat net sa is (wat foarhinne faker foarkaam as no), wurdt it oangeande tydskrift folslein
finansierd
troch de
ferkeappriis
. Ek is it mooglik dat it funksjonearret as in
kommunikaasjemiddel
fan in
organisaasje
mei syn leden en/of
donateurs
; yn sokke gefallen wurdt it bekoste ut 'e
kontribusje
en/of de
donaasjes
. De measte tydskriften besteane lykwols fan in mingde finansiering op basis fan advertinsjes en
ferkeap
.
Tradisjoneel wurde tydskriften op papier drukt, mar der besteane hjoed de dei ek tydskriften dy't inkeld yn
digitale foarm
ferskine. Tydskriften underskiede har fan
kranten
troch de frekwinsje fan ferskinen, mar fral ek troch it hawwen fan in
omslach
en in ynhaldlike
tematyk
dy't faak wol ferban haldt mei it
nijs
fan 'e
dei
, mar der net mei lykslein wurde kin. Wat de frekwinsje fan ferskinen oangiet, besteane der ruchwei trije soarten tydskriften: it
wykbled
, dat ienris yn 'e
wike
utkomt; it
moannebled
, dat ienris yn 'e
moanne
publisearre wurdt; en tydskriften dy't noch minder faak publisearre wurde, bygelyks ienris yn it fearnsjier (
fearnsjierbled
), ienris yn 'e fjouwer moannen of ienris yn it jier (
jierboek
). Tydskriften kinne oan alderhanne underwerpen wijd weze, fan 'e
aktualiteit
(
opinybleden
) oant
lifestyle
(
glossys
), en fan
religy
(tsjerkebledsjes) oant
neakenfotografy
(
neakenbleden
) en
pornografy
(
pornobleden
). In tige behyplik tydskrift dat faak mar ut ien of twa
siden
bestiet, neamt men ek wol in
nijsbrief
.
