Transseksualiteit
(of mei in
Ingelske
term
transgenderism
) is in foarm fan
seksuele identiteit
werby't men in konflikt underfynt tusken jins fysike
geslacht
en jins
geslachtsidentiteit
(hoe't men jins geslacht psychysk belibbet). Hjirby fielt in man him dus eins frou, of fielt in frou har in man.
Medysk
wurdt yn sokke gefallen faak de
diagnoaze
geslachtsdisfory
stelt, benammen as it neamde konflikt sa sterk is dat men as in lid fan it tsjinstelde geslacht troch it libben gean wol.
Yn in jierrenlang proses kin mei
hormoanterapy
de lichemshushalding dusdanich oanpast wurde, dat men fysyk mear op it winske geslacht begjint te lykjen. Uteinlik liedt sa'n proses tsjintwurdich faak ta in
geslachtsferoaringsoperaasje
. Hjirby wurdt faak sprutsen fan pre-operative en postoperative transseksuelen; "pre-operatyf" wol sizze dat men al libbet as in lid fan it winske geslacht, mar dat men noch gjin geslachtsferoaringsoperaasje undergien hat, wylst mei de term "postoperatyf" oantsjut wurdt dat der al in geslachtsferoaringsoperaasje plakfun hat.
Transseksualiteit stiet yn prinsipe folslein los fan
seksuele oriintaasje
(de foarkar dy't men hat foar seksuele partners fan it iene of oare geslacht). Want om't immen dy't as man berne is himsels in frou fielt en ek frou wurde wol, wol dat noch net sizze dat er himsels ek seksueel oanlutsen fielt ta manlju.
Yn in protte dielen fan 'e wrald wurde transseksuelen
stigmatisearre
en
diskriminearre
. Ek yn Westerske lannen is dat noch faak it gefal. Guon lannen hawwe histoarysk in tradysje oangeande geslachtsdiversiteit; dan moat men benammen tinke oan
Sud-Aazje
:
Yndia
,
Nepal
,
Banglades
en
Pakistan
. Sunt de
Midsiuwen
is dat lykwols under ynfloed fan 'e
islaam
en de kekene
fiktoriaanske mentaliteit
fan 'e
Britske
kolonisators
in stik minder wurden. Frjemd genoch is it strang
islamityske
Iraan
op it med fan transseksualiteit en geslachtsferoaringsoperaasjes ien fan 'e meast foarutstribjende lannen fan 'e wrald, wat feroarsake wurdt troch in utspraak fan
grutayatollah
Ruhollah Chomeiny
op dit med, en troch it feit dat men transseksualiteit yn Iraan folslein los sjocht fan
homoseksualiteit
, der't it yn 'e Westerske wrald allegeduerigen bewust of unbewust mei yn ferban brocht wurdt.