De Regel fan de Gemeente is in sektaryske joadske tekst dy't yn 'e midden fan 'e tweintichste iuw te Qumran , yn it Westjordaanlan , untdutsen waard as underdiel fan 'e skat oan alde geskriften dy't bekend kommen is te stean as de Deade-Seerolen . It manuskript, dat fun waard yn Grot 1, stiet bekend as 1QSa, en makket diel ut fan deselde boekrole dy't ek twa oare geskriften omfettet, te witten: de Mienskipsregel (1QS) en de Regel fan de seiniging (1QSb). De boekrole mei Regel fan de Gemeente en de beide oare teksten datearret fan it earste fearn fan 'e earste iuw f.Kr. (100-75 f.Kr.), al sil dat in kopy weze en geane de teksten as sadanich werom oant de twadde iuw f.Kr.

De Regel fan de Gemeente jout in beskriuwing fan in mienskip ut 'e Eintiid , besteande ut manlju, froulju en bern, dy't har oan it ferbun mei God holden hawwe en boete dien hawwe foar de dieden fan ferkearde lju. Der folget in foarsizzing dat der yn 'e leste dagen in grutte oarloch komme sil mei de heidenfolken , en dat hiel it Joadske folk him dan by dizze mienskip jaan sil om te fjochtsjen. Fierders wurdt der yn 'e Regel fan de Gemeente op ferskate plakken omtinken jun oan 'e regels en wetten fan 'e mienskip, werby't saken as de plichten dy't elts lid oplein wurde, it bestjoer fan 'e gemeente en it preesterskip op 't aljemint komme. Teffens wurdt der foarsein dat der ien of mear manlju (dat is undudlik) komme sil/sille dy't "de Messias fan Aaron en David" neamd wurdt/wurde, en hoe't de mienskip dan feestfiere sil.