한국   대만   중국   일본 
Ponca City (Oklahoma) - Wikipedy Springe nei ynhald

Ponca City (Oklahoma)

Ut Wikipedy
Ponca City
De optocht yn it ramt fan Feteranedei giet troch Ponca City.
De optocht yn it ramt fan Feteranedei giet troch Ponca City.
Polityk
Lan Feriene Steaten
Steat Oklahoma
County Kay County
Osage County
Sifers
Ynwennertal 25.389 (2010)
Oerflak 50,0 km² (ynkl. wetter)
46,9 km² (allinnich lan)
Befolkingsticht. 533,5 / km²
Hichte 308 m
Oar
Stifting 1893
Tiidsone UTC ?6
Simmertiid UTC ?5
Koordinaten 36°42′45″N 97°04′21″W
Offisjele webside
poncacityok.gov
Kaart
Ponca City (Oklahoma)
Ponca City
De lizzing fan Ponca City yn Oklahoma .

Ponca City ( Pany : Riihitawiru ) is in sted yn it noarden fan 'e Amerikaanske steat Oklahoma , dy't ferneamd is nei de Ponka - Yndianen . Dit plak leit foar it meastepart binnen Kay County , mar stiket justjes ut oer de grins fan it oanbuorjende Osage County . It hat in oerflak fan 50 km², ynkl. de klokslach , en leit deunby (mar net oan) de rivier de Arkansas . It sudlik fan Ponca City leine White Eagle is in utbuorren dy't bestjoerlik en postaal under Ponca City falt. Neffens gegevens fan 'e folkstelling fan 2010 hie Ponca City doe rom 25.000 ynwenners.

Skiednis [ bewurkje seksje | boarne bewurkje ]

Ponca City waard yn 1893 stifte, nei't it Amerikaanske regear de Sjeroky-utlit frijjun hie foar kolonisaasje troch de blanken . Dat barde under de saneamde Lanwedrin fan 'e Sjeroky-stripe , de grutste lanwedrin ut 'e Amerikaanske skiednis . It plak foar Ponca City waard utkeazen op basis fan 'e neite fan 'e rivier de Arkansas , en de plattegrun fan 'e sted waard makke troch in Burton Barnes, dy't neitiid de earste boargemaster fan Ponca City waard en foar de sted in stasjon oan 'e Atchison, Topeka and Santa Fe Railway wist te bemachtigjen. Yn 1899 krige Ponca City stedsrjochten . It plak hiet yn it begjin trouwens New Ponca, en dy namme waard pas yn 1913 feroare yn Ponca City.

It Poncan Theatre , in nasjonaal monumint .

De sted is ferneamd nei de Ponka ( Ingelsk : Ponca ), in Yndiaansk folk ut Nebraska dat yn 1877 troch de Amerikanen deportearre waard nei wat doe it Yndiaanske Territoarium wie (dat letter Oklahoma kaam te hjitten). Nei in reis te foet fan mear as 800 km mei lytse bern en krebintige alderein by har arrivearren de Ponka te let yn wat no noardeastlik Oklahoma is om dat jiers noch te siedzjen en te rispjen, en boppedat levere it Amerikaanske regear harren net, sa't ofsprutsen wie, it lanbougereid en siedsied der't se ferlet fan hiene. Yn 1878 ferfearen se goed 240 km nei it westen ta en setten se har nei wenjen fuort besuden it hjoeddeistige Ponca City, om White Eagle hinne.

Der hiene de Ponka de earste jierren slim te lijen fan malaria , honger en underfieding , mei as gefolch dat hast in tredepart fan 'e stamme omkaam. It opperhaad Steande Bear kearde yn 1879 mei 65 folgelingen werom nei Nebraska , mar om't er der gjin tastimming foar hie, waard er mei syn groep oppakt troch it Amerikaanske Leger om weromstjoerd te wurden nei Oklahoma. Hy spande lykwols de rjochtsaak Standing Bear v. Crook oan tsjin 'e Amerikaanske oerheid (yn 'e persoan fan brigadegeneraal George Crook ), en wist nei in geunstige rjochterlike utspraak tastimming te krijen om yn Nebraska te bliuwen. Yn Ponca City stiet hjoed de dei in grut stanbyld fan Steande Bear yn it park dat nei him ferneamd is.

De skiednis en ekonomy fan Ponca City waarden fan likernoch 1900 of fierhinne behearske troch de ierdoaljeyndustry . E.W. Marland , in oaljemagnaat ut Pennsylvania , sette him yn Ponca City nei wenjen en rjochte der de Marland Oil Company op, dy't op in stuit sizzenskip hie oer 10% fan 'e oaljereserves fan 'e hiele wrald. Ek pachte Marland lan fan 'e Ponka Stamme fan Oklahoma , en stifte er de 101 Ranch Oil Company , dy't sitewearre wie op it lan fan 'e bekende 101 Ranch fan 'e bruorren Miller. Yn 1932 waard er yn it Amerikaanske Kongres keazen, en yn 1934 waard er guverneur fan Oklahoma.

It stanbyld fan it Ponka - opperhaad Steande Bear yn Ponca City.

Hoewol't de ekploitaasje fan 'e pleatslike oaljefoarrieden in mjitte fan wolfeart yn Ponca City brochten dy't earder op 'e prerje fan Oklahoma frijwol net foar te stellen west hie, soarge it ek foar problemen, lykas doe't de oaljeraffinaderijen jierrenlang harren offal sunder mear yn 'e rivier de Arkansas loasden en dermei in miljeuramp feroarsaken. Ein jierren tweintich gie de Marland Oil Company op yn Conoco (folut: de Continental Oil Company), dy't noch oan 1949 syn haadkertier yn Ponca City hold. Conoco kaam yn 1981 yn 'e hannen fan 'e DuPont Corporation , dy't it bedriuw nei in oanhaldende delgong fan 'e oaljeprizen yn 1998 ferkocht. Yn 2002 fuzjearre it mei Phillips Petroleum ta ConocoPhillips , dat no de op twa nei grutste undernimming yn 'e Amerikaanske ierdoaljesektor is. Troch de ofnimmende wurkgelegenheid yn 'e oaljeyndustryd is de befolking fan Ponca City sunt de iere 1990 -er jierren stadichoan belune.

It stanbyld fan oaljemagnaat en politikus E.W. Marland , dy't in grutte rol spile yn 'e skiednis fan Ponca City.

Ponca City hjoed de dei [ bewurkje seksje | boarne bewurkje ]

Yn Ponca City binne de Cann Memorial Botanical Gardens , in botanyske tun , oanlein, en ek stiet der it Tinkteken foar de 101 Ranch . Yn it Standing Bear Park stiet it Tinkteken foar Steande Bear (yn 'e foarm fan in 6.70 m heech brunzen stanbyld ) en teffens is yn datselde park it Standing Bear Museum and Education Center festige. Fierders binne trije gebouwen yn Ponca City, it Poncan Theatre , de Marland Mansion en it Marland's Grand Home , opnommen yn it Amerikaanske Nasjonaal Register fan Histoaryske Plakken . De Ponka Stamme fan Oklahoma hat syn haadkertier yn White Eagle , dat under Ponca City falt. Ta einbeslut stiet yn Ponca City ek it Pioneer Woman Museum en it Pioneer Woman-stanbyld, wermei't de oantins oan 'e iere froulike pioniers fan it Wylde Westen libben holden wurdt.

Sustersteden [ bewurkje seksje | boarne bewurkje ]

Demografy [ bewurkje seksje | boarne bewurkje ]

Neffens gegevens fan 'e folkstelling fan 2010 hie Ponca City doe in befolking fan 25.387 minsken. De befolkingstichtens bedroech 533,5 minsken de km². Fan 'e befolking wie 17,7% alder as 65 jier en 26,2% jonger as 18 jier. Fierders bestie 34,0% fan 'e hushaldings ut ien persoan , wylst 17,7% fan 'e befolking under de earmoedegrins libbe. Wat de etnyske opbou fan 'e befolking oangiet, dy wie yn 2010 sa: 79,8% blanken ; 6,3% Yndianen ; 4,4% Latino's ; 3,0% swarten ; 0,7% Aziaten ; 5,8% oaren of fan mingd etnysk komof. It grutste part fan 'e Yndiaanske ynwenners bestiet etnyske Ponka ( Ponca ), Osadzje ( Osage ), Tonkawa ( Tonkawa ) en Pany ( Pawnee ).

It stanbyld fan 'e Pioneer Woman.
De Marland Mansion , in nasjonaal monumint .

Berne yn Ponca City [ bewurkje seksje | boarne bewurkje ]

Stoarn yn Ponca City [ bewurkje seksje | boarne bewurkje ]

Klimaat [ bewurkje seksje | boarne bewurkje ]

Ponca City hat in lanklimaat , mei gleonhjitte simmers en mylde winters . Yn july , de waarmste moanne, is de trochsneed temperatuer oerdeis 34,5 °C, en yn jannewaris , de kaldste moanne, is dat 6,5 °C (en nachts ?4 °C). Ponca City kriget jiers trochinoar 924,8 mm delslach , werfan it measte yn 'e perioade tusken maart en oktober . Fan novimber oant en mei febrewaris is it oansjenlik druger , hoewol't der yn guon winters sniestoarmen en in protte izel yn it gebiet foarkomme kinne. De sted leit fierders yn 'e saneamde tornado alley , it diel fan 'e Feriene Steaten mei de grutste kans op it foarkommen fan tornado's , benammen yn 'e moannen april , maaie en juny .

Keppelings om utens [ bewurkje seksje | boarne bewurkje ]

Boarnen, noaten en referinsjes [ boarne bewurkje ]

Boarnen, noaten en/as referinsjes:

Foar boarnen en oare literatuer, sjoch under: References , op dizze side .

Opfrege fan " https://fy.wikipedia.org/w/index.php?title=Ponca_City_(Oklahoma)&oldid=1098570 "