In pinsjoen of pensjoen is in ynkommensfersekering , wermei't in (gesins)ynkommen fersekere wurdt foar as dat yn 'e takomst weifalle soe fanwegen alderdom , arbeidsungeskiktheid of ferstjerren . Der kinne ruchwei trije ferskillende foarmen fan pinsjoenen underskaat wurde:

• It (libbenslange) alderdomspinsjoen: in pinsjoen dat opboud wurdt foar de tiid dat men net mear wurkje kin of wol fanwegen alderdom. Derfan binne ferskate oare foarmen oflaat:
  • ierpinsjoen
  • prepinsjoen
  • tydlik oerbregingspinsjoen
• It neibesteandepinsjoen: in utkearing foar de efterbliuwende partner en bern . Oflaat hjirfan binne:
  • partnerpinsjoen
  • wezepinsjoen
  • tydlik neibesteande-oerbregingspinsjoen
  • ANW-hiaatfersekering
• It arbeidsungeskiktheidspinsjoen : in pinsjoen dat bedoeld is foar it gefal dat men troch in ungemak of in sykte lichaamlik net mear by steat weze soe om te wurkjen.

Faak wurde de risiko-oarsaken fan alle trije soarten pinsjoenen dutsen yn ien inkele pinsjoenregeling . Dernjonken omfiemje pinsjoensregelings faak ek bepalings oangeande de pinsjoensopbou yn spesjale gefallen, lykas unbetelle ferlof , militere tsjinstplicht , swierwezen en koartduorjende wurkleazens .

It pinsjoenstelsel wurdt gauris underferdield yn trije 'pylders':

• Earste pylder: in troch de steat regele basispinsjoen , ornaris finansierd fia in omslachstelsel . Yn Nederlan is dit regele yn 'e AOW .
• Twadde pylder: in oanfoljend pinsjoen , yn it deistich spraakgebruk koartwei 'pinsjoen' neamd. Yn Nederlan wurdt dit troch wurknimmers under harren wurksume libben opboud en betelle troch de wurknimmer en de wurkjouwer mei-inoar.
• Trede pylder: in frijwillige twadde oanfolling op it basispinsjoen, ornaris yn 'e foarm fan in liifrinte of libbensfersekering (net te betiizjen mei in ferstjerrensfersekering ), dy't ofsletten wurdt by in partikuliere bank of fersekeringsmaatskippij .