Oblast

In oblast ( Russysk en Oekraynsk : область, Wytrussysk : вобласць of вобласьць ( Łacinka : vobła?? - "voblast"); Tsjechysk en Slowaaksk : oblast ; Bulgaarsk : област; Kazachsk : облысы as oblısı ) is in bestjoerlike ienheid yn ferskate lannen lykas de Russyske Federaasje , Oekraine , Wyt-Ruslan , Kazachstan , Kirgyzje , Bulgarije , Slowakije en foar in skoft yn it eardere Jugoslaavje . De oblast is te ferlykjen mei in provinsje yn oare lannen sa as yn Nederlan . It wurd oblast betsjut letterlik "gebiet" ^[1] en komt benammen foar yn lannen mei in Slavyske taal en lannen dy't earder part fan de Sovjet-Uny wiene.

Oblasten lizze ornaris ien laach under it nasjonale bestjoerslaach en binne fierder underferparte yn distrikten, el wol rajons neamd. Meastentiids binne de oblasten neamd nei it bestjoerlik sintrum derfan.

Yn guon eardere Sovjetrepubliken waard nei 1991 it wurd oblast omneamd nei in namme dy't oflaat is fan it Arabyske wilaya . Dat jild foar Uzbekistan en Tadzjikistan ( viloyat ) en Turkmenistan ( welayat ).

Sunt 2000 fynt der yn Ruslan in grutte weryndieling fan it bestjoerlik systeem plak. Ien fan de feroarings wie it opsetten fan federale distrikten , in oerkoepeljende bestjoerslaach der't de oblasten, krajs , republiken, autonome gebieten en federale steden yn groepen ynferparte wurde. Ek in stel fan de gebietsdielen waarden gearfoege ta gruttere ienheden.

Lannen [ bewurkje seksje | boarne bewurkje ]

Bulgarije [ bewurkje seksje | boarne bewurkje ]

De Bulgaarske ienheidsteat is sunt 1999 yn 28 oblasten ferparte, dy't foar 1987 as okrugs oantsjut waarden. Fan 1987 oant 1999 eltse trije oant fjouwer okrugs yn ien oblast gearfoege.