In wynstreek , wynrjochting , kompasstreek of himelstreek is in rjochtingsoantsjutting dy't brukt wurdt yn it ramt fan 'e navigaasje en de plakbepaling (mei lingte - en breedtegraden ). Der binne 4 haadwynstreken (ek wol kardinale rjochtings neamd), ntl.: it noarden (n.), it easten (e.), it suden (s.) en it westen (w.). Derby moat men yn 'e rekken halde dat by it by it oantsjutten fan 'e wynrjochting om in beweging giet. In westewyn is sadwaande in wyn dy't ut it westen wei nei it easten ta blaast. Itselde jildt foar streamings yn 'e atmosfear (fan bgl. in hegedrukgebiet of in reinsteuring ).

Njonken de haadwynstreken binne der 4 tuskenlizzende wynstreken (ek wol ynterkardinale of ordinale rjochtings), ntl.: it noardeasten (n.e.), dat de midden haldt tusken it noarden en it easten; it sudeasten (s.e.), dat tusken it easten en it suden yn leit; it sudwesten (s.w.), tusken it suden en it westen yn; en noardwesten (n.w.), tusken it westen en it noarden yn. Deropta binne der 8 sekundere ynterkardinale rjochtings: it noardnoardeasten (n.n.e.), it eastnoardeasten (e.n.e.), it eastsudeasten (e.s.e), it sudsudeasten (s.s.e), it sudsudwesten (s.s.w.), it westsudwesten (w.s.w.), it westnoardwesten (w.n.w.) en it noardnoardwesten (n.n.w.). Ta einbeslut binne der dan noch 16 tertiere ynterkardinale rjochtings, begjinnend mei noard beeasten (n.n.n.e.), noardeast benoarden (e.n.n.e), noardeast beeasten (n.e.n.e.), east benoarden (e.e.n.e.), ensfh. Yn totaal komt men op dy manear op 32 beneambere wynrjochtings.