In model (fan it Midfranske modele ) is in persoan dy't betelle wurdt om te posearjen, mei as doel om fan him/har in duorjende ofbylding te meitsjen, itsij ien dy't hanmakke is (skildere, tekene, fike, byldhoud), itsij troch fotografy . Gauris giet it derby net om it model sels, mar om beskate kommersjele produkten (lykas moade of kosmetika ) te advertearjen. Ek kin in model tsjinje as fisuele grunslach om in keunstwurk op te basearjen, of om begear op te wekjen yn 'e taskoger. Dat leste elemint wurdt trouwens gauris kombinearre mei de bedoeling om kommersjele produkten oan te priizgjen.

Der kinne in stikmannich ferskillende soarten modellen underskaat wurde:

• in fotomodel lit foto's fan har meitsje, ornaris mei as doel om moade, kosmetika, parfum of sokssawat oan 'e man te bringen;
  • in supermodel is in fotomodel dat ta de abslute top yn har fak heart en wraldferneamd is;
  • in gruttematemodel of plus-size model is in fotomodel dat in bytsje of folle wielderiger is as it "gewoane" fotomodel;
• in fetysjmodel is in model dat posearret yn fetysjklean (bgl. lear of lateks), dy't har lichem op in fetisjistyske manear fuortsterkje of yn in fetisjistyske sitewaasje toane; in fetysjmodel kin sawol in glamourmodel as in neakenmodel weze;
• in fitnessmodel toant har eigen oftrainde en/of spierde lichem yn fitnesswedstriden ;
• in glamourmodel lit har soms klaaide, soms foar in part (mar nea hielendal) untklaaide lichem fotografearje, itsij poer om har lichem sjen te litten, itsij om produkten te advertearjen;
  • in baaikleanmodel of in swimwear model is in glamourmodel dat baaiklean advertearret;
  • in gravuere-idoal is in Japansk glamourmodel dat (gauris yn linzjery of baaiklean) de omslach fan boeken of cd's opkreazet;
  • in kalindermodel is in glamourmodel dat har fotografearje lit foar yn in kalinder;
  • in linzjerymodel is in glamourmodel dat linzjery advertearret;
• in lichemsdielmodel brukt inkeld in part fan har lichem as model (lykas in han of in foet foar neillakreklame);
• in manneken toant moade yn in moadeshow ;
• in neakenmodel is in model dat neaken posearret;
  • in keunstmodel is in model dat neaken posearret foar in keunstner of foar in keunstklasse dy't him/har brukt om in keunstwurk te meitsjen;
  • in neakenbledmodel posearret neaken foar neakenbleden of neakenfotografywebsiden;
• in promoasjemodel is in model dat net inkeld troch syn/har foarkommen mar ek troch aktyf promoasje te meitsjen in produkt oan 'e man besiket te bringen (lykas de eardere Marlboro Man tusken 1954 en 1999 );
  • in konvinsjemodel , beursmodel of trade show model is in promoasjemodel dat troch syn/har oanwezichheid (bygelyks op autobeurzen) in beskaat kommersjeel produkt opkreazet en oan 'e man helpt te bringen;
  • in wurdfierend model of spokesmodel is in promoasjemodel dat de rol fan ambassadeur fertolket foar in beskaat merk;
• in alternatyf model is elts model dat net yn 'e konvinsjonele kategoryen yn te dielen is, lykas punk -, Gothic of tatoeaazjemodellen .

Dizze opsomming fan underskate soarten modellen wol trouwens net sizze wol dat men net tagelyk en it iene en it oare weze kin; fral it wurk fan fotomodellen en mannekens, of fan neakenmodellen en fetysjmodellen lit him maklik kombinearje.