Mozes (Maurits) Troostwijk
(
Ljouwert
,
10 maart
1914
-
Driebergen
,
8 febrewaris
1991
) wie in Nederlanske
jurist
en
politikus
.
Troostwijk waard berne yn Ljouwert as soan fan in Joadske antiker. Hy gie nei de
hbs
en wurke fan 1931 of as klerk by de gemeente Menameradiel en fan 1933 - 1935 yn Ljouwert. Hy helle yn 1934 it diploma gemeenteadministraasje en die in jier letter it steatseksamen oan it
gymnasium
. Fan 1935 oant 1940 studearre hy
rjochten
oan de
Ryksuniversiteit Grins
. Hy wie lid fan de
Frijsinnich-Demokratyske Jongerenorganisaasje
(V.D.J.O.), der't hy lokaal en lanlik aktyf foar wie.
Oan it begjin fan de
Twadde Wraldoarloch
wie hy adjunkt-kommys op de siktary fan de gemeente
It Hearrenfean
. Hy wie derneist sekretaris fan de Joadske Ried yn Ljouwert (1941-1943). Hy waard troch de besetter untslein by de gemeente. Yn 1943 dukte hy under yn
Donkerbroek
. Ferskate famyljeleden, werunder syn heit en healsuster, waarden yn de
konsintraasjekampen
ombrocht.
Nei de oarloch waard Troostwijk haad fan de politike opspoaringstsjinst yn Fryslan, oant hy ein 1945 nei
Almelo
gie. Hy waard haad algemiene saken op it gemeentehus en pakte derneist syn studzje wer op. Yn 1947 promovearre hy op syn
proefskrift
Gemeentelijk strafrecht
.
[1]
Yn 1948 waard dr. Troostwijk
gemeentesekretaris
fan
Grins
, in funksje dy't hy oant 1964 ferfolde. Hy wie derneist lid fan de
Earste Keamer fan de Steaten-Generaal
(1962-1975) en fan de
Provinsjale Steaten
fan
Grinslan
(1962-1970). Yn de Keamer wie hy under mear ficefraksjefoarsitter fan de
Partij fan de Arbeid
(1970-1975).
[2]
Yn 1964 waard hy beneamd ta
heechlearaar
oan de Grinzer Universiteit. Yn 1971 ruile hy it heechlearaarskip foar it amt fan
boargemaster
fan
Amersfoort
. Fjouwer jier letter ferliet hy de gemeentepolityk foar syn beneaming ta lid fan de
Ried fan Steat
. Hy waard yn 1982 foarsitter fan de ofdieling rjochtspraak fan de Ried. Yn 1984 waard hy santich jier, wat betsjutte dat hy syn funksje by de
Ried fan Steat
dellizze moast.
[3]
Troostwijk ferstoar doe't er 76 jier ald wie.
Troostwijk waard meardere kearen underskieden, hy waard beneamd ta
Ridder yn de Oarder fan de Nederlanske Liuw
(1972),
Kommandeur yn de Oarder fan Oranje-Nassau
(1982) en
Grutoffisier yn de Oarder fan Oranje-Nassau
(1984).