Maginta (fan it Ingelske magenta ) is in kleur dy't omskreaun wurde kin as pearzich read of readich pears of sels as mauvich karmozyn . It wurdt ornaris as in tint fan read beskoge en makket gjin selsstannich diel ut fan it spektrum fan sichtber ljocht . Yn 'e kleuresirkel befynt maginta him healwei tusken read en blau yn. De komplemintere kleur fan maginta is grien . By additive kleurminging (bgl. op 'e tillefyzjes en kompjuterskermen) is maginta in sekundere kleur , dy't untstiet ut 'e minging fan read en blau ljocht . By subtraktive kleurminging (bgl. yn 'e druktechnyk ) is it lykwols in primere kleur , yn 'e mande mei syaan en giel en ornaris ek swart . De tint maginta dy't yn it CMYK-kleursysteem (fan subtraktive kleurminging) brukt wurdt, is lykwols readiger as de webkleur maginta, dy't eins persiis deselde tint hat as foksia . Kwa tinten rint maginta utinoar fan auberzjine , in soarte fan dunkerpears, oant it tige ljochte mearkeroze .

• 
  foksiablommen
• 
  Portret fan Marie Lagadu , fan Paul Gauguin
• 
  koraal yn de Perzyske Golf
• 
  in dahlia
• 
  Yndonezyske mariniers drage magintakleurige baretten
• 
  in magintakleurige libel

Skiednis [ bewurkje seksje | boarne bewurkje ]

De kleur maginta wie it resultaat fan 'e yndustriele untwikkeling op it med fan 'e syntetyske ferve yn 'e midden fan 'e njoggentjinde iuw . Dy begun mei de utfining troch William Perkin fan mauvine yn 1856 , de earste syntetyske ferve op basis fan aniline . It unbdidige kommersjele sukses fan dy ferve en fan 'e nije kleur dy't dertroch untstie ( mauve ), ynspirearre oare skiekundigen yn Jeropa om sels ek te besykjen en untwikkelje nije anilineferven.

Yn Frankryk prebearre Francois-Emmanuel Verguin , de direkteur fan it gemysk fabryk Louis Rafard by Lyon , ferskate formules ut ear't er ein 1858 of begjin 1859 aniline mong mei koalstoftetragloride . Der kaam in readich - pearzige kleur ferve ut fuort dy't er de namme foksine ( fuchsine ) joech, nei de kleur fan 'e foksiablom . Hy joech syn baan op en liet syn ferve produsearje troch it fervefabryk fan Francisque en Joseph Renard , dy't it yn 1859 op 'e merk brochten.

Datselde jier produsearren twa Britske skiekundigen, Chambers Nicolson en George Maule , yn it laboratoarium fan if fervefabryk fan George Simpson yn Londen , in oare anilineferve mei in read-pearzige kleur dy't frijwol itselde wie as dy fan foksine. Yn 1860 waard dy yn produksje nommen under de namme 'rozine' ( roseine ). Datselde jiers noch feroaren se de namme yn magenta ( utspr. : [m?'??nt?], likernoch: "muh- dzjen -tuh"), ta eare fan 'e Slach by Magenta , dy't yn 1859 by Magenta , yn Lombardije , utfochten wie tusken Frankryk en Eastenryk . Under de nije namme woeks de kleur al rillegau ut ta in grut kommersjeel sukses.

Yn 1935 waard de famylje fan kinakridoanferven untwikkele, werfan't de kleuren utinoar rinne fan read oant fiolet . Om't de kwaliteit fan kinakridoan better is as fan foksine en de rozine-magintaferve, wurdt tsjintwurdich foar skilderjen , it fervjen fan klean en foar it printsjen fan ofbyldings altyd kinakridoan brukt foar magintakleuren. De underskate tinten fan maginta kin men krije troch ferskillende hoemannichten wyt oan it kinakridoan ta te foegjen. In oare kleurstof foar maginta is litolrubine , dat brukt wurdt om itenswaren te kleurjen.

Optika [ bewurkje seksje | boarne bewurkje ]

Maginta is in ekstraspektrale kleur , wat betsjut dat it net in ienkleurige tint fan sichtber ljocht is. Yn it RGB-kleursysteem , dat brukt wurdt om mei ljochttechnyk kleuren wer te jaan op tillefyzje - en kompjuterskermen en by teaterbeljochting , is maginta in sekundere kleur , dy't produsearre wurdt troch gelikense hoemannichten ljocht fan 'e primere kleuren read en blau te bruken. Yn dit systeem is maginta de komplemintere kleur fan grien , en as men magintakleurich en grien ljocht op in swarte undergrun mingt, kriget men wyt ljocht. Om't maginta en grien kompleminter binne, hawwe dy kleuren it grutste kontrast, mar ek de grutste kleurharmony.

Yn it CMYK-kleursysteem , dat brukt wurdt foar it mingen fan ferve , en yn 'e druktechnyk foar it mingen fan inket om ofbyldings of te printsjen , is maginta ien fan 'e trije primere kleuren , yn 'e mande mei syaan en giel . Yn moderne kleureprinters wurdt sadwaande magintakleurige, syaankleurige en giele inket brukt om alle kleuren wer te jaan. Ek yn dit systeem is grien de komplemintere kleur fan maginta, en as men magintakleurige en griene inket of ferve op in wite undergrun mingt, soe men yn teory swart krije moatte. Yn 'e praktyk wurdt it mear in smoarch- brune kleur, om't de kleuren fan 'e ferve of inket eins nea perfekt binne. Om dy reden wurdt swarte inket tafoege oan it CMYK-systeem om swarte details en kleurflakken oan te bringen.

Webmaginta en printermaginta [ bewurkje seksje | boarne bewurkje ]

De tint maginta dy't brukt wurdt yn 'e druktechnyk , dy't wol printermaginta of prosesmaginta neamd wurdt, is justjes dunkerder en reader as de tint maginta dy't op kompjuterskermen brukt wurdt. Dat komt om't printermaginta gjin RGB -kleur is en om't der gjin regels binne foar it oersetten fan CMYK -kleuren nei it RGB-systeem. Oarsom kin webmaginta of ynternetmaginta, dat soms ek wol elektrysk maginta neamd wurdt, ek net sekuer werjun wurde mei inket op papier . Webmaginta is trouwens persiis deselde kleur as foksia , mei't dy beide kleuren oanmakke wurde troch persiis deselde hoemannichte read en blau ljocht te mingen. De foksiablom , dy't ta ynspiraasje tsjinne hat foar beide kleuren, komt yn it echt yn in ferskaat oan kleuren foar, fan foksia oant pears en read .

Foarkommen [ bewurkje seksje | boarne bewurkje ]

• Koart nei de untwikkeling fan maginta as kleur , yn 'e twadde helte fan 'e njoggentjinde iuw , waard it yn 'e skilderkeunst brukt troch inkele Franske keunstskilders , lykas Paul Gauguin en Henri Matisse . Ek yn 'e moderne keunst komt it wol foar.
• Yn 'e natoer is maginta in frij algemien foarkommende kleur foar blommen , fral yn 'e tropen en yn subtropyske gebieten . Om't maginta de komplemintere kleur fan grien is, hawwe magintakleurige blommen it heechst mooglike kontrast mei de griene stalen en bleden . Dat makket dat se dudliker sichtber binne foar ynsekten dy't se besykje oan te luken foar de bestowing . Der binne net in protte bisten dy't magintakleurich binne, hoewol't dat wol it gefal is mei beskate soarten koraal , fisken en libellen .

• Astronomen hawwe feststeld dat brune dwergen fan 'e T-klasse (d.w.s. brune dwergen mei de koelste temperatueren utsein de resint untdutsen brune dwergen fan 'e Y-klasse ) eins de kleur maginta hawwe fanwegen de absorpsje troch sodium - en kaliumatomen fan ljocht yn it griene diel fan it spektrum .
• Yn 2016 brocht de nasjonale bank fan Yndia in magintakleurich bankbiljet fan ? 2000 yn omrin. Dat is de heechste denominaasje fan rupy-papierjild dy't der is.
• Yn 'e polityk komt magenta net folle foar, mar wurdt it wol brukt as de kleur fan 'e yn Amsterdam festige anty- diskriminaasjestifting Magenta Foundation en fan 'e Deenske sosjaal - liberale partij Radikale Venstre .
• Yn 'e heraldyk en de feksillology (flaggekunde) is maginta in tige seldsume kleur, dy't lykwols foarkomt yn it wapen fan it Franske plak Magenta (yn it departemint Marne ), yn 'e flagge dy't fierd wurdt troch Kantabryske nasjonalisten , en yn 'e flagge fan 'e sted Cartago , yn Kolombia .

• 
  it wapen fan Magenta (Frankryk)
• 
  de flagge fan 'e Kantabryske nasjonalisten
• 
  de flagge fan Cartago (Kolombia)

Magintatinten [ bewurkje seksje | boarne bewurkje ]

De wichtichste tinten maginta binne: amarant , amarantpears , amarantroze , auberzjine , dunkermaginta , fandango , feal maginta , fioletread , foksia , folly , framboas , Fransk roze , granaat , hjerstsering , hjitmaginta , Hollywoodserize , Ingelsk roze , kaam , karmozyn , kinakridoanmaginta , lavindel , loftmaginta , magintadize , magintaferve , mearkeroze , moerbei , orgidee , paladynpears , pears , Perzysk roze , printermaginta , prom , readfiolet , roze , schwungpears , serize , shocking pink , stielroze , telemaginta en ultraroze .

Kleurnuanses [ bewurkje seksje | boarne bewurkje ]

Boarnen, noaten en/as referinsjes:

Foar boarnen en oare literatuer, sjoch under: References , op dizze side . Commons  Ofbylden dy't by dit underwerp hearre, binne te finen yn de kategory Magenta fan Wikimedia Commons .