Live action , soms skreaun as live-action of liveaction , is in term ut 'e filmyndustry en de tillefyzjesektor wermei't oanjun wurdt dat in spylfilm , tillefyzjefilm of tillefyzjesearje spile wurdt troch ( libbene ) akteurs en aktrises . Dermei is it it tsjinstelde fan animaasje, dat gebruk makket fan personaazjes dy't mei de han of mei de kompjuter tekene binne, en werfoar't stimakteurs letter de stimmen ynsprekke. De term komt ut it Ingelsk en betsjut letterlik "libbene aksje". Om't der meastal sprake is fan live action wurdt dy tafoeging yn 'e regel inkeld brukt as men it net ferwachtsje soe dat eat troch libbene akteurs spile waard of om it kontrast mei animaasje oan te jaan.

Ek films of tillefyzjeprogramma's mei marionetten en oarsoartige poppen (lykas Sesamstraat en The Muppet Show ) wurde almeast ta live action rekkene, salang't de poppen alteast net fuortbeweegd wurde mei stop-motion . Der besteane ek hybride live action/animaasjefilms, weryn't minsklike akteurs tekenfilmfigueren as tsjinspilers hawwe. It bekendste foarbyld fan dat soarte films is Who Framed Roger Rabbit? .