De Jouster Toer
De
Jouster Toer
is de tsjerketoer fan de
Herfoarme tsjerke
op
'e Jouwer
. De toer bepaald it oansjen fan de
Midstrjitte
. Dat wurdt fersterke trochdat de toer in tal meters fierder nei foaren boud is as de rest fan de huzen en winkels. De toer stiet der hast midden-yn.
Grytman
Hobbe fan Baerdt
lei op
8 augustus
1628
de earste stien. De Herfoarme tsjerke der't er by heart is boud yn
1644
. Yn
1939
is de tsjerke op 'en nij boud omdat in grutte bran de tsjerke bot skansearre hie.
De Jouster toer is in
renessanse
toer. Hy hat fjouwer klokken der't de aldste fan ut de
16e iuw
komt. Yn
1953
hat
Douwe Egberts
it
karriljon
mei 37 klokken jun. Dat karriljon is no mei 39 klokken ien fan de grutste yn Fryslan wat klank en gruttens oanbelanget. Alle woansdeis- en sneonstemiddeis om trije oere is it kariljon te hearren.
De Jouster Toer hat in toerkeammerke dat oant de 17e iuw brukt waard foar de
rjochtspraak
. Dy rjochtsprekkeamer is krekt as de rest fan de toer te besjen as part fan it
Jouster Kuierke
.