J.J. Cale
(
Oklahoma City
,
5 desimber
1938
?
La Jolla
,
26 july
2013
), wie in
Amearikaansk
gitarist, komponist en sjonger. Syn bekendste lieten binne 'After Midnight' en 'Cocaine' beide ta in hit makke troch
Eric Clapton
.
Cale hat fan jong of oan mei muzyk de kost fertsjinne. Fan syn 15e of spile J.J. yn de klups fan Tulsa al in kombinaasje fan
blues
,
rock
,
jazz
en
country
. Letter foarme hy syn eigen groep,
Johnny Cale and the Valentines
. Neidat Cale yn
1959
ferhuze nei Nashville spile hy der in jier as san yn
the Grand Ole Opry
, om dochs wer werom te gean nei syn alde band yn Tulsa. Yn it midden fan de 60-er jierren makke Cale de reis nei
Los Angeles
om der oan in solokarriere te wurkjen. Hy sette der 'After Midnight' op singel, mar dat soe pas in hit wurde yn de ferzje fan Eric Clapton. Hy soe fan Los Angeles ut noch yn in pear bands spylje oant Cale yn
1966
wer nei Tulsa gie om serieus wurk fan syn solokarriere te meitsjen.
It duorre oant
1972
eart op it Shelterlabel syn debut album ferskynde, mei de namme 'Naturally'. Syn namme wie al bekend fan syn Clapton-hit en mei it numer 'Crazy Mama' skoarde Cale yn Amearika no sels in hit. Al gau dernei kaam it twadde album fan Cale op 'e merk: 'Really'. Yn de rin fan de 70-er en 80-er jierren folgen der noch ferskate albums, mar de yntroverte artyst Cale soe nea echt bekend wurde by in grut publyk.
Syn muzyk waard dat wol. Njonken de numers dy't Clapton wraldbekend makke, droegen ek
Lynyrd Skynerd
(Call Me the Breeze),
Santana
(The Sensitive Kind) en
Deep Purple
(Magnolia) by oan syn faam as komponist.
Op 8 juny
2004
ferskynde 8 jier nei de
The Guitar Man
wer in album mei nij wurk fan Cale,
To Tulsa And Back
, by syn nije platemaatskippij
Sanctuary Records
.
