De
Internet Movie Database
, almeast
ofkoarte
ta
IMDb
, is in fergees te rieplachtsjen
Amerikaanske
kennisbank
(database) op it
ynternet
, der't gegevens yn byholden wurde oer
films
, mar ek oer
tillefyzjesearjes
en oare
tillefyzjeprogramma's
,
fideospultsjes
,
akteurs
, en
presintators
. Dizze database waard yn
1990
oprjochte as
leafhawwerij
, mar groeide meitiid ut ta in gesachhawwende boarne, benammen op it med fan films en akteurs. Sunt
1998
is de IMDb eigendom fan it
bedriuw
Amazon.com
.
De IMDb untstie yn
1990
fanut rec.arts.movies, in
nijsgroep
mei
ynternetbrukers
fan 'e earste oere dy't in foarleafde foar
films
en de
filmyndustry
mei-inoar dielden. De eigentlike oprjochter wie
Col Needham
, dy't syn fluch ta in profesjoneel
bedriuw
utgroeiende leafhawwerij yn
1998
foar grou jild fan 'e han die oan
Amazon.com
. Sunt
2003
hat de IMDb ek in aparte betelle seksje, dy't IMDbPro hjit. Dy biedt de hiele ynhald fan 'e IMDb, oanfolle mei ekstra gegevens foar lju dy't yn 'e filmyndustry wurksum binne, lykas kontaktynformaasje,
evenemintekalinders
en nijs ut 'e
entertainmentyndustry
. Der bestie ek lange tiid in fergees tagonklik
message board
, in soarte fan
ynternetfoarum
, by eltse opnommen titel en persoan, mar dy funksje waard op
19 febrewaris
2017
opheft.
Yn
2013
wie de IMDb utwoeksen ta in ynternetargyf mei ynformaasje oer mear as 2,5 miljoen film- en tillefyzjetitels en mear as 5,5 miljoen persoanen fan oer de hiele wrald. De webside wurdt eltse moanne troch mear as 150 miljoen minsken besocht, en wurdt underholden troch likernoch 35
foltiidsmeiwurkers
. In
kritykpunt
dat gauris heard wurdt, is wol dat de IMDb sterk op 'e
Westerske
film- en tillefyzjeyndustry rjochte is, mei as gefolch dat
Bollywood
(de filmyndustry fan
Yndia
) en
Nollywood
(de filmyndustry fan
Nigearia
) yn 'e database oan 't krapperein komme.
De IMDb biedt wiidweidige ynformaasje oer fral films, werunder ynformaasje oer de hiele (bekende)
cast
en
crew
. Lezers kinne der
resinsjes
en beoardielings oan tafoege. Der binne tal fan siikmooglikheden; sa kin men de nammen fan twa akteurs tagelyk ynfiere, wernei't de IMDb de films toant der't de beide yn gearwurke hawwe. Teffens biedt de webside in Top 250 fan 'e troch registrearre besikers it heechst wurdearre films, en ek in Top 100 fan 'e minst wurdearre films.
- Top 10 fan heechst wurdearre films aller tiden (neffens de IMDb)
- The Shawshank Redemption
(1994)
- The Godfather
(1972)
- The Godfather Part II
(1974)
- The Dark Knight
(2008)
- 12 Angry Men
(1957)
- Schindler's List
(1993)
- The Lord of the Rings: The Return of the King
(2003)
- Pulp Fiction
(1994)
- The Good, the Bad and the Ugly
(1966)
- The Lord of the Rings: The Fellowship of the Ring
(2001)