In hoale (ek hoal ) is in holle romte yn 'e grun , dy't of opsetlik utgroeven is, of troch omstannichheden untstien is. Yn dat leste gefal kin men tinke oan in fersakking fan 'e ierde , it fuortspilen fan in hap ut 'e igge fan in rivier of beek , of in loaze romte under in rotsblok of de woartels fan in beam . Ek de romte yn in holle beam wurdt wol omskreaun as in hoale. Yn stiengrun wurde hoalen (of rotshoalen) ornaris oantsjut as grotten of spelonken, en binne se faak foarme troch undergrunske wetterstreamen. Hoalen wurde gauris troch bisten brukt as wente , mar yn it ferline ek wol troch minsken . Yn 'e natoer komt it net selden foar dat guon soarten bisten, lykas martereftigen , hoalen oernimme dy't utgroeven binne troch oare soarten bisten, lykas kninen of prerjehunen . Derby kinne de 'kreakers' de hoale leech oantroffen hawwe, mar ek is it mooglik dat se de eardere eigners opfretten hawwe. De hoalen fan guon bisten hawwe in spesifikere namme; sa sprekt men by dassen en kninen , wol fan in boarch . Yn it Frysk besteane de sprekwurden 'yn 'e hoale bliuwe' (thusbliuwe) en 'yn 'e hoale lizze' (op bed lizze).