Gijs Naber
akteur
Gijs Naber (l) en Reinout Scholten van Asschatby de opnames fan De Heineken Ontvoering , 2011.
persoanlike bysunderheden
echte namme	Gijs Naber
nasjonaliteit	Nederlansk
berne	9 augustus 1980
berteplak	Finkefean ( Utert )
etnisiteit	Nederlansk
jierren aktyf	1998 ? no
prizen	Gouden Keal 2014
offisjele webside
gjint

Gijs Naber ( Finkefean , 9 augustus 1980 ) is in Nederlansk film -, tillefyzje - en toanielakteur . Yn 2014 wun er it Gouden Keal yn 'e kategory beste akteur foar syn rol yn 'e film Aanmodderfakker .

Libben en karriere [ bewurkje seksje | boarne bewurkje ]

Jonkheid en oplieding [ bewurkje seksje | boarne bewurkje ]

Naber waard yn 1980 berne yn Finkefean , der't er syn hiele jonkheid trochbrocht. Nei't er slagge wie foar de HAVO yn Uthoarn , studearre er oan 'e Toanielakademy Maastricht . Yn 1998 debutearre er mei santjin jier as akteur mei in rol yn 'e tillefyzjefilm De Ziener .

Karriere [ bewurkje seksje | boarne bewurkje ]

Op 'e tillefyzje wie Naber fierders te sjen yn 'e tillefyzjefilm Lieve Celine ( 2013 ) en yn feste rollen yn 'e dramasearjes Lieve Liza ( 2012 ) en Penoza ( 2013 - 2017 ). Ek hied er gastrollen yn 'e tillefyzjesearjes Spoorloos Verdwenen ( 2006 ), De Co-assistent ( 2007 ) en Van God Los ( 2012 ). Sunt 2007 is er ferbun oan it Ro Teater , werfoar't er u.m. spile yn 'e toanielstikken Woef Side Story en De Komst van Xia . Yn 2013 wun Naber de Musical Award yn 'e kategory beste manlike byrol foar syn trije roltsjes yn 'e musical Lang en Gelukkig .

Op it wite doek makke Naber syn debut yn 2004 , mei de rol fan Wouter Heemskerk yn 'e film 06/05 . Oare films der't er yn spile, wiene u.o. Zwartboek ( 2006 ), De Laatste Dagen van Emma Blank ( 2009 ), Vreemd Bloed ( 2010 ), Loft (2010), Homies ( 2015 ), Zwarte Tulp (2015) en Oh, Baby ( 2017 ).

Yn 2010 fertolke er de rol fan kroanprins Willem-Alexander yn 'e film Majesteit . Yn De Heineken Ontvoering , ut 2011 (oer de untfiering fan Freddy Heineken ), hie Naber de rol fan untfierder Cor van Hout . Yn 2014 wun er in Gouden Keal foar beste akteur mei syn fertolking fan 'e rol fan Thijs yn 'e film Aanmodderfakker . Yn 2018 hied er de titelrol yn 'e histoaryske aventoerefilm Redbad , fan regisseur Roel Reine , oer de histoaryske persoan fan Redbad , kening fan 'e Friezen .

Priveelibben [ bewurkje seksje | boarne bewurkje ]

Gijs Naber hat sunt 2012 in relaasje mei aktrise Thekla Reuten , mei wa't er gearwennet . It pear krige yn augustus 2015 in soan . Yn oktober 2018 krigen sy harren twadde soan.

Keppelings om utens [ bewurkje seksje | boarne bewurkje ]

• (in) Folsleine filmografy fan Gijs Naber yn 'e Internet Movie Database (IMDb)