In buste fan Germanikus (
Palazzo Massimo alle Terme
, earste helte earste iuw n.Kr.).
Germanikus
, folut
Germanikus Julius Caesar
(
15 f.Kr.
-
19 n.Kr.
) wie in soan fan
Nearo Klaudius Drusus
en Antonia. Hy wie de aldere broer fan de lettere keizer
Klaudius
, in beppesizzer fan
Livia
, adoptyf-pakesizzer fan keizer
Augustus
en adoptyf-soan fan keizer
Tibearius
. Hy wie ien fan Rome's beste generaals, en heart thus yn de rige
Skipio
,
Marius
,
Sulla
en
Julius Agrikola
.
Germanikus is foaral bekend wurden as in kundige kriichshear en in bysunder populer politikus yn de tiid dat Tibearius keizer wie fan it
Romeinske ryk
. Oan him hawwe de Romeinen te tanken dat der nei it ferlies fan
Farus
yn it
Teutoburger Wald
wer oarder en rest weromkearde oan de grins mei
Germaanje
. Hy focht mei sukses tsjin de
Sjatten
en
Sjerusken
oant en mei de Noardseekust.
Fan syn omke Tibearius mocht er nei de oerwinning in triomftocht halde yn
Rome
mar dizze wie wol fan betinken dat syn miich fanwege de grutte populerens in gefaarlike rivaal wurde koe. Derom stjoerde hy him fuort nei
Syrje
yn
17
. Germanikus rekke der belutsen by in skeel mei de pleatslik guverneur Piso. Yn
19
kaam hy ynienen te ferstjerren, wierskynlik troch fergiftiging troch tadwaan fan Piso. Tibearius ferlear dermei net allinne in rivaal mar ek ien fan syn beste generaals en in mooglike opfolger.
Germanikus wie troud mei
Agrippina
mei wa't hy 9 bern krige. Syn beide aldste soannen, Nearo Caesar en Drusus Caesar, waarden letter op befel fan Tibearius fermoarde. Syn jongste soan Gaius soe uteinlik wol keizer
Kaligula
wurde. En in dochter fan him, dy't ek
Agrippina
hiet, waard de mem fan de neikommende keizer
Nearo
.
