In fuzje (fan it Franske fusion , dat "ferraning" betsjut) is it mei-inoar ferranen fan twa earder selsstannige ekonomyske of sosjale ienheden. Dat kinne bedriuwen weze, mar bygelyks ek ferienings . It grutte ferskil tusken in fuzje en in oername is dat in fuzje gelikensens tusken de beide fuzjepartners ymplisearret. By in oername, oan 'e oare kant, wurdt de iene ienheid troch de oare oernommen, wat in ungelikense relaasje ynhaldt, mei't derby de oernimmer (of de oandielhalders fan 'e oernimmer) sizzenskip kriget oer de oernommene.

Ekonomyske fuzje [ bewurkje seksje | boarne bewurkje ]

Op ekonomysk med is in fuzje it ferranen fan twa ekonomyske ienheden, ornaris bedriuwen . Derfan besteane ferskate foarmen.

Oandielefuzje [ bewurkje seksje | boarne bewurkje ]

By in oandielefuzje feroarje inkeld de oandielen fan eigner: bedriuw A keapet alle oandielen fan bedriuw B, mei as gefolch dat B foar de folle 100% in dochterundernimming wurdt fan A, wylst A de memme-undernimming wurdt fan B. De tsjinprestaasje fan A oan B kin yn dit gefal bestean ut jild of in oandieleruil . Suver juridysk sjoen is dat gjin fuzje, mar belestingtechnysk wurdt wol as sadanich behannele. By in oandielefuzje hoege alde ofspraken (yn it foarbyld bgl. tusken de lieding fan bedriuw B en de wurknimmers fan bedriuw B) net op 'e nij befestige te wurden.

Bedriuwsfuzje [ bewurkje seksje | boarne bewurkje ]

By in bedriuwsfuzje keapet bedriuw A alle aktiva fan bedriuw B, en kin bedriuw A derfoar yn ruil oan bedriuw B jild of oandielen oanbiede by wize fan tsjinprestaasje. B wurdt dertroch in saneamde kasjild- B.V. of in holding , mei't A no de eigentlike undernimming yn 'e hannen hat. Suver juridysk sjoen is ek dat gjin fuzje, mar op 'e nij wurdt it belestingtechnysk wol sa behannele. Bykommend foardiel is de mooglikheid de lusten sunder de lesten utkieze te kinnen. Neidielen binne lykwols it feit dat wurknimmers yn in bedriuwsfuzje oernommen wurde moatte en dat elts fan 'e aktiva apart levere wurde moat.

Oare foarmen [ bewurkje seksje | boarne bewurkje ]

Ek twa maatskippen of oare bedriuwsfoarmen dy't juridysk gjin ienheid binne of net fusearje kinne, binne der ekonomysk sjoen wol ta yn steat. Juridysk kin in ekonomyske fuzje tusken sokke bedriuwsfoarmen net as fuzje betitele wurde, en ek foar de belesting sil der almeast gjin rekken mei holden wurde.

Juridyske fuzje [ bewurkje seksje | boarne bewurkje ]

In juridyske fuzje haldt yn dat twa (of mear) rjochtspersoanen opgeane yn ien nije rjochtspersoan. Oandielhalders fan 'e fusearjende fennoatskippen wurde fan rjochtswegen oandielhalder fan 'e troch de fuzje nij untstiene fennoatskip. De juridyske fuzje is regele yn boek 2 fan it Boargerlik Wetboek . De juridyske fuzje is in folle beheinder begryp as de ekonomyske fuzje, mei't oan in juridyske fuzje in stikmannich easken steld wurde. Sa meie inkeld rjochtspersoanen fusearje (dus bygelyks gjin maatskippen ) en moatte beide fuzjepartners deselde rjochtsfoarm hawwe (dus in besletten fennoatskip kin net fusearje mei in feriening ). Dernjonken sil foar in foarnommen fuzje by grutte bedriuwen de NMa , de Jeropeeske Kommisje en/of de autoriteit op it med fan 'e merk op 'e hichte steld wurde moatte om goedkarring te krijen. Ek de undernimmingsried moat ynljochte wurde, sadat dy mei de direksje en eventueel mei de oandielhalders om 'e tafel kin oer de sosjale gefolgen fan 'e fuzje.

Belestingtechnyske gefolgen [ bewurkje seksje | boarne bewurkje ]

Fiskaal wurdt under it begryp 'fuzje' behalven de juridyske fuzje ek de ekonomyske fuzje beflapt. Fuzjes binne op dit med faak ferfelend, want neffens it belestingstelsel is der yn sokke gefallen sprake fan in oerdracht. Benammen as der in soad ofskreaun wurdt, kin it foarkomme dat dertroch in flinke winst realisearre wurdt, en winst betsjut belesting beteljen. Faak hat de undernimming net safolle jild yn kas, benammen as de tsjinprestaasje ut oandielen bestiet. Derom befetsje de belestingwetten fasiliteiten dy't in frijstelling jouwe yn it gefal fan in fuzje. Sa'n fasiliteit moat oanfrege wurde, wernei't de fiskus him tastiet under beskate betingsten dy't foar eltsenien itselde binne, de standertbetingsten. Dernjonken kinne per gefal ekstra betingsten steld wurde. As bedriuwen deroan net foldogge, folgje der sanksjes, en yn it uterste gefal kin de frijstellingsfasiliteit mei weromwurkjende kreft hielendal opheft wurde.

Redens foar fuzjes [ bewurkje seksje | boarne bewurkje ]

• it op flugge wize realisearjen fan bedriuwsgroei
• it skeppen fan oandielhalderswearde
• it beheljen fan foardiel ut skaalfergrutting (lykas it besparjen op 'e produksjekosten troch gruttere of effisjintere produksje)
• it krijen fan tagong ta nije technologyen
• it krijen fan tagong ta nije (butenlanske) merken
• it ferstevigjen fan 'e posysje op 'e eigen (binnenlanske) merk om butenlanske konkurrinten foar te wezen
• persoanlike redens fan toplju dy't neat mei it belang fan it bedriuw te krijen hawwe:
  • it hegere salaris en de troch in fuzje beskikber kommende gruttere bonus - en opsjeregelingen
  • it plak yn it skiednisboek dat in topman kriget troch oan 'e widze fan in grutte fuzje te stean

It mislearjen fan fuzjes [ bewurkje seksje | boarne bewurkje ]

Hoewol't der foar undernimmings in soad redens binne om te fusearjen, blykt yn 'e praktyk dat mar ruchwei 50% fan 'e fuzjes suksesfol is. Der binne twa metoaden om fest te stellen oft der sprake is fan sukses. De meast brukte metoade is kwantitatyf, werby't de omset - en winstsifers fan it fusearre bedriuw ferlike wurde mei dy fan 'e beide rjochtsfoargongers fan foar de fuzje of mei de prestaasjes fan ferlykbere bedriuwen. In oare metoade is kwalitatyf, troch yn fraachpetearen de belutsen toplju deroer te understean ynhoefier't de fuzje oan harren ferwachtings foldocht.