Dirck van Baburen,
Konsert
(detail), 1623, oalje op doek, De Hermitage,
Sint Petersburch
Dirck Jaspersz. van Baburen
(
Wyk by Duerstede
, ±
1595
-
Utert
,
21 febrewaris
1624
) wie in Nederlansk
skilder
, dy't rekkene wurdt ta de
Utertske caravaggisten
.
Dirck van Baburen is fermoedlik berne yn Wyk by Duerstede, mar syn famylje ferhuze koart dernei nei Utert. Yn 1611 kaam Dirck yn de lear by
Paulus Moreelse
, en om
1615
hinne reizge er nei
Rome
, der’t er mei de
Rotterdamske
skilder
David de Haen
gearwurke. Hy mocht de keunstsamlers
Vincenzo Giustiniani
en kardinaal
Scipione Borghese
ta syn beskermmers rekkenje en yn
1617
krige er in wichtige opdracht om de Cappella della Pieta fan de tsjerke
San Pietro in Montorio
yn Rome te beskilderjen. Hy make in monumintale ‘’Greflizzing’’ dy’t basearre wie op dy fan Caravaggio yn de Fatikaanske musea. Yn Rome soe Baburen ta de oprjochters fan de
Bentvueghels
heard hawwe; syn byname wie der ‘’Biervlieg’’(= ien dy't in protte supt).
Om
1621
hinne gie Baburen werom nei Utert, der’t er him by syn men en suster ta wenjen sette. Hy krige doe in stikmannich nijsgjirrige opdrachten, mar hy staor al yn 1624, net troud en skraachwurk 30 jier. Wierskynlik is er oan de
pest
deagien. Baburen waard begroeven yn de Buurtsjerke yn Utert. Nei syn dea ferblikke syn ferneamdens hurd; earst yn de 20e iuw kaam her wer wurdearing foar syn work.
Constantijn Huygens
fun Baburen ien fan de wichtige skillders fan syn tiid.
Dirck van Baburen wie yn Rome tige under de ynfloed fan de styl fan
Caravaggio
rekke. Hy skilderde
bibelske
en
mytologyske
tafrelen, en
sjenrestikken
mei supers en muzikanten. Sy styl slut oan by dy fan
Hendrick ter Brugghen
, mar hat dochs minder utsprutsen persoanlikheid.
Der binne nei in protte skilderijen fan Dirck van Baburen bewarre bleaun, mei troch syn betide ferstjerren. Yn Nederlan is wurk fan him yn it
Sintraal Museum
en it
Catharijnekonvint
, beide yn Utert, en yn it
Ryksmuseum
yn
Amsterdam
.
Op twa skilderijen fan
Johannes Vermeer
is Baburen syn skilderij
De keppelster
ut
1622
ofbyld. It skynt dat it fan Vermeer's skoanmem west is. Tsjintwurdich is it te sjen yn it Museum of Fine Arts in
Boston
.
-
Kroaning mei de toarnekroon
-
Prometeus troch Vulkanus boeid
, oaljeferve op doek, 1623 (Rijksmuseum, Amsterdam).
-
Simon en Peres
of
Romeinske woldiedigens, 127 x 151 cm, nei 1623 (York City Art Gallery, York).
-
De keppelster