Clas Thunberg

	Clas Thunberg
	sporter
	Clas Thunberg (1924)
	persoanlike bysunderheden
echte namme	Arnold Clas Robert Thunberg
nasjonaliteit	Finsk
bertedatum	5 april 1893
berteplak	Helsinki
stjerdatum	28 april 1973
stjerplak	Helsinki
etnisiteit	Sweedsk
lingte	173 sm
	sportive ynformaasje
sport	Reedriden
underdiel	Langebaan
O.S.	Chamonix 1924 , ; Sankt-Moritz 1928
debut	1911
karriere-ein	1936
	wichtige prestaasjes
	5x goud Olympyske Spullen 1924, 1928 ; 1x sulver Olympyske Spullen 1924 ; 1x bruns Olympyske Spullen 1924 ; 5x goud Wraldkampioenskip 1923, 1925, 1928, 1929, 1931 ; 1x sulver Wraldkampioenskip 1927 ; 1x bruns Wraldkampioenskip 1922

Arnold Clas Robert Thunberg ( Helsinki , 5 april 1893 - Helsinki , 28 april 1973 ) wie in Finsk reedrider . Fyftjin jier lang, fan 1924 oant 1939, wie Thunberg ien fan de beste reedriders fan de wrald.

Clas Thunberg, dy't ta de Finlansweedske minderheid hearde, begun pas op lettere leeftiid mei reedriden. Nei in wat wyld libben mei smoken en drank konsintrearre er him no folslein op syn sport. Pas mei 28 jier behelle er syn earste titel by it Europeesk kampioenskip allround yn 1922. Dernei hearde er tsien jier lang by de beste reedriders fan de wrald.

Doe't er foar it earst meidie oan de Olympyske Winterspullen, Chamonix 1924 , wun Thunberg op alle ofstannen in medalje, trije gouden medaljes (1500 en 5000 meter en allround), ien sulveren (10.000 meter) en ien brunzen medalje (500 meter). De Finske reedrider is sadwaande de iennige Olympyske allround kampioen yn de skiednis oant no ta, om't dy dissipline oant hjoed-de-dei allinne by dizze edysje op it programma stien hat. Fjouwer jier letter by syn twadde dielname oan de Olympyske Winterspelen, Sankt Moritz 1928 , wun Thunberg goud op de 500 en 1500 meter.

Trochdat by de Olympyske Winterspullen fan 1932 yn Lake Placid de reedrydofstannen ferriden waarden op Amerikaanske wize mei in massastart, bleaune in soad Europeeske reedriders ut unfrede oer dy wize fan wedstriidreedriden thus, sa ek Clas Thunberg.

Njonken alle Olympyske poadium pleatsten grossierde Thunberg ek yn earemetaal by de allround kampioenskippen. Sa waard er fjouwer kear Europeesk kampioen en fiif kear wraldkampioen allround . Mei it oantal fan fjouwer Europeeske titels stiet er tredde op de list fan measte titels by it EK allround . Mei de fiif wraldtitels allround stiet Thunberg tegearre mei de Noarsk Oscar Mathisen op in dield twadde plak fan gouden medaljes op it WK. Clas Thunberg ferstoar op 28 april 1973, yn 'e aldens fan 80 jier.

Persoanlike rekords [ bewurkje seksje | boarne bewurkje ]

Ofstan	Tiid	Datum	Baan
500 meter	42,6	13 jannewaris 1931	Badrutts Park , Sankt Moritz
1000 meter	1.27,4	4 maart 1931	Bislett Stadion , Oslo
1500 meter	2.18,1	22 jannewaris 1930	Eisstadion Davos , Davos
3 km	5.00,6	21 febrewaris 1933	Eisstadion Davos , Davos
5 km	8.32,6	4 febrewaris 1928	Eisstadion Davos , Davos
10 km	17.34,8	5 febrewaris 1928	Eisstadion Davos , Davos