Kammingabuorren
of
Camminghabuorren
[1]
wie in wyk yn de sted
Ljouwert
mei ± 11.500 ynwenners. Sunt 2018 is de wyk part fan de gruttere wyk
Kammingabuorren en omkriten
. De namme ferwiisd nei de Cammingha's, eartiids in wichtige Fryske
haadlingefamylje
. Se wennen op de
Kammingaburch
. De eardere buorskip wurdt ek skreaun as Kampenggabure, Kambuur of Camingabuiren. It soe in ferwizing weze nei de manljusnamme Kempe.
Camminghabuorren leit oan de noardeastrane fan Ljouwert en is en yn oerflakte (246 ha.) en yn tal ynwenners de grutste wyk fan Ljouwert. De wyk waard tusken 1977 en 1996 boud, leit oan it wetter en hat in eigen
treinstasjon
.
Yn it midden fan de wyk is it
Kroanenbergerpark
dat foar in part omsletten wurdt troch it Griene Stjerpaad, in
fytspaad
dat dwers troch de wyk hinne rint. Oan de noarlike kant fan it park is in fiskfiver dy't de ferskate wettergongen yn de wyk meiinoar ferbynt. It park bestiet ut in stripe grien en ferskate boartersplakken, sa as bygelyks in kuorbalfjild, in fuotbalfjild, in klimtoer en halfpipe. It park leit tichteby in tal
basisskoallen
.
Der rint in keunstroute troch de wyk mei alve keunstwurken ut it tiidrek 1989 - 1997. Dy keunstwurken binne makke troch Hans van Meeuwen, Alfred Eikelenboom,
Kazuo Katase
, Irene Fortuyn, Jozef van der Horst,
Tilly Buij
,
Jan van de Pavert
,
Aldo Rossi
, Hans Janselijn, R.W. van de Wint, en it duo Matthijs van Dam en Peter Jansen.
Boarnen, noaten en/as referinsjes:
|
|