Bubba Smith
akteur
persoanlike bysunderheden
echte namme	Charles Aaron Smith
nasjonaliteit	Amerikaansk
berne	28 febrewaris 1945
berteplak	Orange ( Teksas )
stoarn	3 augustus 2011
stjerplak	Los Angeles ( Kalifornje )
etnisiteit	Afro-Amerikaansk
jierren aktyf	1978 ? 2011
offisjele webside
n.f.t.

Bubba Smith (wiere namme: Charles Aaron Smith ; Orange ( Teksas ), 28 febrewaris 1945 ? Los Angeles , 3 augustus 2011 ) wie in Amerikaansk sporter en akteur fan Afro-Amerikaansk etnysk komof. Hy waard yn syn heitelan yn syn studintejierren bekend as Amerikaansk fuotbalspiler , en spile letter as profesjoneel sportman foar ferskate foaroansteande Amerikaansk fuotbaltiims. Nei't er syn sportkarriere beeinige hie, boude er in twadde libben op as akteur , werby't er benammen (en ek om utens) bekend waard yn 'e rol fan plysjeman Moses Hightower yn 'e earste seis Police Academy -films .

Libben en karriere [ bewurkje seksje | boarne bewurkje ]

Jonkheid en oplieding [ bewurkje seksje | boarne bewurkje ]

Smith waard yn 1945 berne yn it plak Orange , yn 'e steat Teksas , as de soan fan Amerikaansk fuotbaltrener Willie Ray Smith sr. en dy syn frou Georgia Oreatha Curl. Hy groeide op yn 'e sted Beaumont , net fier fan 'e kust fan 'e Golf fan Meksiko . Op 'e middelbere skoalle , oan 'e Charlton-Pollard High School yn Beaumont, kaam er yn it Amerikaansk fuotbaltiim fan syn heit te spyljen. Smith untjoech him neitiid ta ien fan 'e beste middelbere-skoalspilers fan Amerikaansk fuotbal dy't Teksas ea fuortbrocht hat.

Sportkarriere [ bewurkje seksje | boarne bewurkje ]

Doe't er slagge wie foar syn middelbere-skoaldiploma, liet Smith him ynskriuwe oan 'e Steatsuniversiteit fan Michigan , der't er as defensive end yn it Amerikaansk fuotbaltiim fan 'e Michigan State Spartans spile. Der toande Smith syn kapasiteiten en hied er u.m. in wichtige rol yn 'e saneamde 'Wedstryd fan 'e Iuw', yn 1966 , tsjin it tiim fan 'e Universiteit fan Notre Dame , dy't einige yn in 10-10 gelykspul. Yn 1988 waard Smith ynhuldige as lid fan 'e College Football Hall of Fame .

Nei't er de universiteit ferlitten hie, spile Smith njoggen jier lang as profesjoneel Amerikaansk fuotbalspiler by ferskate tiims: fan 1967 oant 1971 by de Baltimore Colts ; fan 1973 oant 1974 by de Oakland Raiders en fan 1975 oant 1976 by de Houston Oilers . By de Colts wied er lofter- defensive end , en spile er yn sawol 1969 as 1971 yn 'e Super Bowl , it Amerikaanske kampioenskip. De twadde kears wun er mei de Colts dy wedstryd. Hoewol't er 2.01 m meat en goed 120 kg weage, stie Smith yn syn sportjierren bekend om syn grutte faasje en linigens, sadat it rivalisearjende tiim ornaris twa spilers ynsetten om him te dekken.

Aktearkarriere [ bewurkje seksje | boarne bewurkje ]

Doe't er syn sportkarriere beeinige hie, sette Smith ein jierren santich utein mei aktearjen . Hy begun mei lytse roltsjes yn B-films en op 'e tillefyzje , en wurke himsels stadichoan op nei gruttere rollen. Hoewol't er troch syn sportkarriere yn 'e Feriene Steaten al bekend wie, briek er yn it butenlan pas troch as akteur, mei de rol fan plysjeman Moses Hightower yn 'e komeedzje Police Academy , ut 1984 . Dat waard sa'n trochslaand sukses dat der noch in grut tal ferfolgen makke waarden. Smith kearde werom yn 'e rol fan Hightower yn fiif derfan: Police Academy 2: Their First Assignment ( 1985 ), Police Academy 3: Back in Training ( 1986 ), Police Academy 4: Citizens on Patrol ( 1987 ), Police Academy 5: Assignment: Miami Beach ( 1988 ) en Police Academy 6: City under Siege ( 1989 ). Allinich yn Police Academy: Mission to Moscow , ut 1994 , spile Smith net mei.

Behalven yn 'e Police Academy -rige wie Smith ek te sjen yn 'e tillefyzjefilm Fighting Back: The Rocky Bleier Story ( 1982 ). Yn 1983 spile er mei Burt Reynolds , Ned Beatty en Loni Anderson yn 'e film Stroker Ace . Fierders hied er byrollen yn films as Black Moon Rising ( 1986 ), The Wild Pair ( 1987 ), The Naked Truth ( 1993 ), The Silence of the Hams ( 1994 ), Full Clip ( 2006 ) en Blood River ( 2010 ). Yn Gremlins 2: The New Batch ( 1992 ) spile er himsels. Fierders wie Smith op 'e tillefyzje te sjen yn in feste rol yn 'e searje Open All Night , dy't yn 1981 en 1982 mar ien seizoen run. Ein jierren tachtich spile er yn 'e aksjesearje Blue Thunder . Ek ferskynde er yn gastrollen yn searjes as Married... with Children , Tales of the Golden Monkey , Good Times , The Odd Couple , Taxi , Macgyver en Family Matters .

Ferstjerren [ bewurkje seksje | boarne bewurkje ]

Smith waard op 3 augustus 2011 yn syn hus yn Los Angeles dea oantroffen troch syn hushaldster . In lykskoging wiisde ut dat er stoarn wie oan akute medisinale fergiftiging en in hertoandwaning . It middel dat him fataal wurden wie, hiet fentermine , en wurdt brukt om fluch gewicht te ferliezen. Dat guod liket tefolle fan syn sike hert frege te hawwen; by de autopsy die bliken dat Smith syn hert mear as twaris sa grut wie as dat fan in sune minske . Bubba Smith waard 66 jier ald.

Filmografy [ bewurkje seksje | boarne bewurkje ]

Keppelings om utens [ bewurkje seksje | boarne bewurkje ]

• (in) Folsleine filmografy fan Bubba Smith yn 'e Internet Movie Database (IMDb)

Boarnen, noaten en/as referinsjes:

Foar boarnen en oare literatuer, sjoch under: References , op dizze side . Commons  Ofbylden dy't by dit underwerp hearre, binne te finen yn de kategory Bubba Smith fan Wikimedia Commons .