Zuan Batiste Tiepolo ( Gianbattista Tiepolo par talian) ( Vignesie , 15 di Marc 1696 - Madrid , 27 di Marc 1770 ), al e stat un pitor venezian, cognossut a Udin, pai frescs tal Domo , tal Palac Patriarcjal, tal Cjistiel e te Glesie de Puritat. I siei frescs udines a son tes primis comissions de maturitat. Par chest motif, Udin e je cognossude come la Citat dal Tiepolo .

I agns de zoventut [ cambie | modifiche il codic ]

Zuan Batiste al nas a Vignesie , il 15 di Marc dal 1696 da Meni (Domenico par talian) e Orsetta Marangon. La so e je une famee indula che nol mancje nuie, ma cuant che al veve nome un an, so pari al mur, e pe famee e scomencin lis dificoltats.

Al jentre zovin te buteghe dal pitor Grivor Lazzarini , indula che al impare l'abece dal mistir di pitor. Al ven influencat dai plui grancj pitors di Vignesie , soredut dal Piazzetta , dal Verones e dal Tintoretto .

Al scomence i siei prins lavors te glesie di Sante Marie dal Ospedaletto, intal 1715 . Tal stes an al fas ancje lavors pal dos Giovanni Cornaro.

Intal 1716 , al lavore tal fresc de glesie parochial di Biadene.

Intal 1717 , al ven inscrit te associazion dai pitors di Vignesie , la Fraglia. Tal 1719 , al si spose cun Marie Cecilie Guardi, sur dai pitors Francesc e Zuan Antoni Guardi. La femine i dara dis fis, che lu judaran come assistents. Soredut Zuan Domeni e Laurinc e saran ricuardats ancje come bogns pitors.

Jenfri il 1719 e il 1720 , al lavore tai frescs dal prin plan de Vile Baglioni a Messenzago . Al ven judat da Gerolamo Mengozzi, che al fasara par lui, lis decorazions dai siei frescs.

Intal 1721 , al lavore te Madone dal Cjarmin , che al si pues viodile te Pinacoteche di Brera . Dal 1722 al e il Martiri di San Bartolomiu pe glesie veneziane di San Stae, une vore biel.

Dal 1722 e je la Glorie di Sante Luzie , te glesie parochial di Vascon, dongje Trevis Intal 1724 , al finis il Sacrifici di Isac , che al e l'ultin lavor de so zoventut.

Daspo di chest moment, Tiepolo al cambie mut, al lasse il so stil, un poc " tenebros ", par jentra tal stil de maturitat. Al scomence a dopra colors plui clars, e a meti plui lus tai soi frescs

Jenfri il 1724 e il 1725 , al lavore tal Palac Sandi, cjase dal avocat Tomas Sandi, che lu clame pai frescs dal Salon.

Jenfri il 1725 e il 1726 al piture Alessandro e Campaspe tal studi di Apelle che si cjate cumo tal Museum of Fine Arts di Montreal , indula che Apelle, il pitor grec, al a lis sos sembiancis e Campaspe, ches de so femine Cecilie.

La Maturitat [ cambie | modifiche il codic ]

Intal 1726 , Tiepolo al rive a Udin , clamat da Dionisio Dolfin , Patriarcje di Olee . Tal Domo al lavore ai frescs de Capele dal Santissim Sacrament . Tal Palac Patriarcjal al fas lis Senis dal Vecjo Testament , cun i Personacs de Biblie i Agnui rivoltats cuintri Diu che a colin dal cil , la Aparizion dal Agnul a Sare , Rachele che plate i idui , il Sacrifici di Isac' .

Te Sale rosse al piture il Judizi di Salomon , par fini cu la Sale dal tron cun i ritrats dai Vecjos Patriarcjis.

Pai fradis dal Patriarcje, Denel III e Denel IV, al fas, intal Invier , dis cuadris cun storiis romanis, finits tal 1729 . Vue e son dispierduts tai museus di dut il mont.

Intal 1727 al nas Zuan Domeni , il so fi plui famos, mentri tal 1730 lu clamin a Milan , indula che al lavore tai Palacs Archinto e Durgnani.

Al torne a Vignesie tal 1731 , indula che al lavore te glesie di Sante Marie de Fave ae Educazion de Vergjne e te 'Nativitat de Glesie di San Zulian.

Dal 1732 e je le Adorazion dal Frut te glesie veneziane di San Zeno.

Tal stes an al va a Berghem , indula che al lavore tal Domo e te Capele Colleoni.

Tal 1734 al lavore tai frescs de Vile Loschi-Zilieri, dongje Vicence . Al finis la Pale Rovetta e al cambie di cjase, lant te Pasine, dongje San Silvestri.

Dal 1735 a son la Madone dal Rosari e la Madone cul Frut e Sants

Tal 1736 al nas so fi Laurinc .

Tal zenar dal 1737 al consegne il Martiri di Sante Aghite pe Basiliche di Sant Antoni a Padue . Al torne une altre volte a Milan , te Basiliche di Sant Ambros.

Al mande a Udin tre palis di altar par il Patriarcje.

Al scomence lis voris pe glesie di Sante Marie dai Gjesuits a Vignesie , che al finira tal 1739 .

Te so piture al scomence a fasi sinti la influence dal Tintoretto e dal Tizian ma ancje des incisions dal Rembrandt , soredut tai vecjos cu la barbe, rafigurats te Senis de Passion di Jesus Crist , te glesie veneziane di Sant Alvise.

Simpri dal 1739 al e il Martiri di San Sebastian te glesie di Dessen .

Palac Clerici: lis voris par Francesco Algarotti [ cambie | modifiche il codic ]

Intal 1740 , al torne a Milan tal Palac Clerici. Al lavore te galarie, intal grant fresc de Corse dal Cjar dal Soreli , cun grups di figuris di divinitats.

Dal 1740 e je ancje le pale dal altar Aparizion de Vergjin a San Filip Neri .

Al torne a Vignesie intal 1741 : di chel an a son lis voris te glesie di Verolegnove, lis Senis de passion te glesie di Sant Alvise a Vignesie e la Apoteosi di Vittor Pisani , condotir che al veve vincut le bataie di Cjoze cuintri i gjenues.

Intal 1743 , al rive a Vignesie Francesco Algarotti, scritor di origjin veneziane, che al veve di compra cuadris pal Re di Sassonie August III, e di puartaju a Dresde . Tiepolo al divente so ami, lu jude, cun altris pitors venezians, a cjata cuadris dai Mestris Pitors , e al fasara ancje par lui il Banchet di Antoni e Cleopatre .

Dal 1743 , a son lis telis de Scuele dal Carmin , cu la Aparizion de Madone al Beat Simon Stock .

Simpri dal stes an, e je la publicazion dai Capricci , une schirie di incisions.

Jenfri il 1743 e il 1744 a son lis voris te Vile Cordellina, cun il Trionfo de Virtut e de Nobiltat cuintri la ignorance .

Jenfri il 1744 e il 1745 , a son lis voris tal Palac Barbarigo a Vignesie, in colaborazion cun il Mengozzi Colonna.

Jenfri il mes di Avril e il mes di Novembar , al lavore te glesie dai Discolcs (Scalzi), simpri a Vignesie , cun il Traspuart te Sante Cjase di Loret , lade pierdude inte prime vuere mondial . A restin nome i disens. Tal stes an, al consegne al Domo di Berghim le pale cul Martiri di San Zuan .

Palac Labia e Wurzburg [ cambie | modifiche il codic ]

Jenfri il 1746 e il 1747 il Tiepolo al e a vore tal Palac Labia a Vignesie , indula che al piture tal Salon des Fiestis lis Storiis di Antoni e Cleopatre e Bellerofonte parsore Pegaso al va viers la Glorie e la Eternitat . Daspo al va te parochie di Sante Foscje , dongje il puint di Noal.

Intal 1748 al e a vore tal Palac Manin, simpri a Vignesie pe ocasion des gnocis di Ludovi Manin e Elisabete Grimani.

Dal stes an e je la pale des Santis domenicanis pe glesie dai Gjesuits.

Il 12 di Dicembar dal 1750 il princip vescul Karl-Philipp von Greiffenklau lu clame te citat di Wurzburg, te Gjermanie, par dei lavors. Il Tiepolo al van cu i fis. In tal Palac dal Vescul, Tiepolo al lavore te Kaisersaal a lis pituris de Storis di Fidri Barberosse , a lis Gnocis dal Barberosse , Il vescul Aroldo al divente Duche de Franconie , e tal scjalon grant a L'Olimpo dongje lis cuatris bandis dal mont . Al finis lis voris tal Palac in tal mes di novembar dal 1753.

Di gnuf Vignesie [ cambie | modifiche il codic ]

Al lasse Wurzburg il 8 di Novembar dal 1753 , par torna a Vignesie. Il 8 di Mai al consegne ae glesie di San Polo le Aparizion de Vergjine a San Zuan Nepocumeno , e in tal 1754 al tache le decorazion de Glesie de Pietat ae Incoronazion de Vergjine . In tal 1757 , al e a vore te Vile Valmarane, dongje Vicence. Al torne a Vignesie, par dei lavors te Ca' Rezzonico. Al consegne une pale di altar ae glesie di San Silvestri a Folzone une par il Domo di Este Tal stes an al e a vore tal Oratori de Puritat e in tal Palac dal Arcivescul di Udin In tal 1760 , al e a vore a Verone , tal Palac Canosse a Stra, te Vile de famee Pisani, e al fas une tele, il Meracul di Sant Antoni pal Domo di Miran.

Madrid [ cambie | modifiche il codic ]

In tal 1761 , il re Carli III di Spagne al clame Tiepolo a Madrid par i lavors dal gnuf Palac Real. Tiepolo al partis il 31 di Marc , al rive il 4 di Jugn , simpri acompagnat dai fis Laurinc e Zuan Domeni. Al vif in Plaza San Martin . Al lavore a tre pituris, in te Sale dal Tron e in te anticjamare de Regjine. Jenfri il 1767 e il 1769 al piture siet palis di altar par le glesie di Aranjuez. In tal 1769 al scomence lis decorazions a La Granja, ma no rive a fini i lavors, e di chest progjet restin nome i disens. Al mur il 27 di Marc a Madrid.

Bibliografie (par talian) [ cambie | modifiche il codic ]

• T. Hetzer, Die Fresken Tiepolos in der Wurzburger Residenz , Frankfurt, 1943.
• A. Morassi, Tiepolo e la Villa Valmarana , Milan, 1945.
• A. Morassi, Giovan Battista Tiepolo , Londre, 1955.
• A. Pallucchini, L’opera completa di Giambattista Tiepolo , Milan 1968.
• A. Porcella, La giovinezza di Gianbattista Tiepolo , Rome 1973.
• M. Gemin, F. Pedrocco, Giambattista Tiepolo. I dipinti. Opera completa , Vignesie 1993.
• Aldo Rizzi , Il Tiepolo all'Arcivescovado di Udine , Milano 1965.
• Aldo Rizzi , Tiepolo a Udine , Milano 1969.
• Aldo Rizzi , le acqueforti dei Tiepolo , Milano, 1970.
• Aldo Rizzi , La grafica del Tiepolo: le acqueforti , Milano 1971.
• Aldo Rizzi , La mostra del Tiepolo , Milano 1971.
• Aldo Rizzi , Giambattista Tiepolo , Milano 1990.
• Aldo Rizzi , I Tiepolo a Udine , Milano 1996.