Wolfgang Amadeus Mozart , (Salisburc, ai 27 di Zenar 1756 - Viene , ai 5 di Dicembar 1791 ), al e stat un compositor che al a creat oparis musicals di straordenari e universal valor artistic. Al e considerat un dai gjeniis de musiche. Musicist di gran e rar talent di picul in su, al muri zovin a nome trente cinc agns, lassant pagjinis che no si puedin dismentea di musiche sinfoniche , di cjamare , musiche sacre e operistiche. Il so non Wolfangus al jere in onor dal so nono materni; Amadeus , in ricuart dal fradi Carl Amadeus, muart tre agns prin. Il frut al fo clamat cun afiet "Wolferl".

Biografie [ cambie | modifiche il codic ]

La infanzie a Salisburc [ cambie | modifiche il codic ]

In famee cul picul Wolfgang a jerin il pari Leopold, om dal caratar suturni, plen di ideai dal Iluminisim , straneos e sprecant, compositor, violinist di cort e insegnant di musiche (so une Violinschule dal 1756 ) al servizi dal arcivescul Anton Firmian; la mari Anna Maria Pertl, femine semplice, dal caratar viert e pronte al scherc; la sur Maria Anna Mozart, clamade Nannerl, nassude cinc agns prin di lui, tal 1751 , e a so volte un grum dotade pe musiche. I Mozart, si erin maridats ai 21 di Novembar dal 1747 , vevin za vut altris cinc fiis, ducj muarts in fassis. Al e dat par sigur che al taca cu la musiche adore di picul, cuant che il pari al scomenca a insegna a so sur il clavicembal e il picul Wolfgang, di tre agns, incuriosit al passave oris a zuia cu la tastiere. Leopold al mete adun i esercizis che al de di studia a so fie intun librut titulat Pour le clavecin, ce Livre appartient a Mademoiselle Marie-Anne Mozartin ( 1759 ). Da une note dal pari Leopold si ven a save che Wolfgang al jere za bon di suna cheste racuelte di esercizis. Il fat al e confermat ancje di une letare scrite di so sur: ≪Cuant Wolfgang al a vut cuatri agns, nestri pari al a tacat a insegnai cierts minuets. A Wolfgang i coventave nome mieze ore par sunaju a la perfezion. Al faseve pas indenant cussi straordenaris che za a cinc agns al componeve curts tocs par sunaju al pari cussi che lui al podes scriviju≫. Altris personis che cognosserin il picul Wolfgang a restarin maraveadis da lis sos capacitats. Cuant che al scomenca a componi il picul Wolfgang al sunave i soi tocs al clavicembal o li cjantucave, in maniere che il pari, plui espert, al podes scriviju. Al scomenca a scrivi di bessol de etat di vot agns. Tra il 1763 e il 1766 , la famee Mozart si move par l' Europe . Tra lis fermadis: Munic di Baviere , Francfuart , Bruxelles , Paris , Londre , dula che, al so prin conciert public, Wolgang Amadeus al suna cun esecutors famos tant che il talian Giovanni Battista Cirri.

Mozart in Italie [ cambie | modifiche il codic ]

≪La nestre musiche di glesie e je un grum difarent di che italiane, e simpri di plui, che une Messe cun dut il Kyrie, Gloria, Credo, la Sunade a la Epistole, l'ofertori cul so Motet, Sanctus ed agnus Dei e ancje la plui Solene, cuant che al dis la Messe il Princip stes non a di jessi plui lungje di tre cuarts di ore. I vul un studi particolar par cheste sorte di composizion, e che a di jessi pero une Messe cun ducj i struments - Trombis di vuere, timbals e vie indenant ≫

( Giovanni Battista Martini , da une letare par talian di Amadeus al "molto Rev.do Mestri", spedide di Salisburc a Bologne ai 4 di Setembar 1776 )

A Bologne (in dos voltis, da Marc a Otubar dal 1770) al fo ospit li dal cont Gian Luca Pallavicini, al cjata musiciscj e studios (dal celebri cjastrat Farinelli ai compositors Vincenzo Manfredini e Josef Myslivek, fin al storic de musiche ingles Charles Burney e pari Giovanni Battista Martini). A Parme al assiste a un conciert dal sopran Lucrezia Agujari, clamade la Bastardella . Amadeus al cjapa lezions di cuintripont da pari Martini e si presente al esam par la Academie Filarmoniche di Bologne. Il dificil esam dal zovin Mozart nol fo tant brilant, e il stes Martini al a scugnut judalu e sburtalu par promovilu. Il Pape i de la onorificence dal spiron di aur . Al visite ancje Napoli, Mantue, Trent. Mozart al voleve resta a Milan come compositor di cort, ma Marie Terese d'Austrie no jere propite contentone e cussi e scriveve: ≪No capis parce che o ves bisugne di un compositor o di int inutil ... A avilis il servizi cuant si trate di int che e viaze ator pal mont come pecotars; Mozart cun di plui al a une grande famee≫ (Marie Terese d'Austrie).

Inamorat de cantante Aloysia von Weber al sposa la sur Costanza.

La malatie e la so muart [ cambie | modifiche il codic ]

La malatie e la muart di Mozart a son stadis e a son ancjemo un argoment di studi pai musicolics e pai storics un grum dificil, par vie di liendis romantichis e riplen di teoriis strambis. I studios no van dacuardi ni sul moment dal impenzisi de malatie ni sul scomenca dal cors pal pies de salut di Mozart, cun di plui al e inciert il moment la che Mozart al a capit di sei dongje a muri e no si sa se il savelu al a sburtat in part lis sos ultimis oparis. La interpretazion romantiche e cjacare di un decadiment graduat cuntune spiete di vite che a pleat al scur lis so ultimis composizions intune misure compagne al so patiment. Al opuest cualchi savint de so ete al sotlinie che Mozart tal ultin an al fos di bon umor e che la muart e riva no spietade ancje pai amis e pe stesse famee. La tombe di Mozart e reste discognossude; la so musiche e je il so monument.

Seont la liende, Mozart al muri dismenteat di ducj. In veretat al a vut a cort fin tal ultin un lavor ben paiat e a ve comessis des plui bandis de Europe, soredut di Praghe E son restadis sos letaris. Dula che al domande un jutori economic che testemonein il fat che al fos di manie plui che largje puartat a spindi dut ce che al cjapave. Nol fo sepulit intune fuesse comun, cemut che al e stat scrit, ma in une normal tombe comunal conformi a la regule dal 1783. Ancje se al cimitieri di St. Marx la tombe origjinarie e je lade pierdude, li che e veve di jessi stade, e intal Zentralfriedhof, a son stadis metudis in memorie lis lapidis. No je clare nancje la cause de muart. Il so certificat al puarte “hitziges Frieselfieber” (“fuarte fiere miliar”,che in che volte si pensave che e des infet), une definizion che te medisine dal di di vue no je vonde clare par la cause de muart. Cualchidun al a pensat a un invelenament da mercuri, a la fiere reumatiche, o ancje a peste. In che volte si doprave il salas, come che al e documentat, che po ve sburtat a la muart un om za debul. Al e probabil che al sedi muart di nefrite.

Mozart al muri inte gnot dal 5 di dicembar dal 1791, poc prime de une, tant che al steve daur al so ultin lavor: il Requiem ordenat dal cont Fritz Von Walsegg, che al voleve falu passa par so al funeral de so femine. Al zovin compositor Franz Xaver Sussmayr, arlef e ami di Mozart, i derin il compit di puarta insom il Requiem. Intal 1809 Constanze Weber Mozart, la vedue, si je tornade a marida cul diplomatic danes Georg Nikolaus von Nissen (1761?1826), gran amirator di Mozart che al publiche plui di cualchi toc slavracat dalis letaris dal compositor e al scrive la so biografie.

Mozart e Salieri [ cambie | modifiche il codic ]

Si cjacare di ripics e fuarte rivalitat jenfri Mozart e Antoni Salieri che in veretat no jere propite. Il poete e scritor rus Aleksandr Sergeevic Puskin crodint a chestis vos, e a la interpretazion romantiche, intal 1830 al scrive “Mozart e Salieri” une drame in viars, la che Salieri roseat de gjelosie al comissione al odeat rival un Requiem, cu la intenzion di robailu, dopo velu invelenat, e fasintlu passa par so. De opare di Pu?kin a an dit: "Se Salieri nol a copat Mozart, dal sigur Pu?kin al a copat Salieri". Ai 25 di novembar dal 1898, al Teatri Solodovnikov di Mosca, e va in sene la prime de opere Mozart e Salieri dal compositor rus Rimskij-Korsakov fondade su la tragjedie di Pu?kin. Intal 1978 un adatament al va in sene cun grant suces a Londre: al e Amadeus, dal dramaturc Peter Shaffer: une rileture dal lavor di Pu?kin salacor ancjemo plui fuart. Reste la invidie di Salieri e il Requiem domandat a Mozart di un om vistit di neri (Salieri mascarat), il dut contat di Salieri stes. Intal 1984 dal drame di Shaffer al ven fat un cine da Milo? Forman clamat Amadeus, (tornat a edita intal 2002). Il Salieri dal cine (un braf F. Murray Abraham) al e mancul pies di chel teatral di Shaffer.

Mozart e Haydn [ cambie | modifiche il codic ]

Grande e fo la amicizie e la stime tra Mozart e Haydn ancje se chest al fo di vincjecuatri agns plui vecjo. Nol e pussibil save cuant che Mozart al jentra in rapuarts cun Haydn ma di sigur o savin che intal 1785 i doi musiciscj a jerin amigons, si devin dal tu, e a an vut plui di cualchi incuintri in cjase dai fradis Storace, sunant ancje insieme musiche di cjamare. Mozart al jere prin ami dal fradi Michael Haydn e si sa che Haydn, de residence dai Esterhazy dula che al lavorave, al leve no di rar a Viene dula che Mozart al jere a sta dal 1781. Haydn al a subite capit la grandece di Mozart e alc al a imparat di lui. Mozart al a ricognossut la impuartance di Haydn, plui di ducj chei altris musiciscj, dedicant a lui ben sis cuartets (K 387, K 421, K 428, K 458, K 464 e K 465), scrits tra il 1782 e il 1785. I cuartets vignirin scrits "inte gnove e special maniere" bandonant i principiis de composizion dal sietcent, fondade di une melodie cun compagnament par meti in mostre dutis lis cuatri vos che cussi si cjatin a fevela tra di lor in maniere compagne. La stime di Haydn par Mozart e reste intes peraulis al pari di Wolfgang Leopold: "Us dis prin di dut denant di Diu, di galantom, che vuestri fi al e il plui grant compositor che jo o vedi cognossut, di non e di persone. Al a gust e il plui grant sens de art dal componi".

Il catalic [ cambie | modifiche il codic ]

Lis oparis di Mozart a son metudis adun intal famos catalic de metat dal votcent di Ludwig von Kochel. Dutis lis oparis a an un numar progressif cun prin la sigle KV che e sta par Kochelverzeichnis, ven a stai Catalic Kochel. Il catalic al met adun 626 oparis. Il numar un, il KV 1 al e un minuet scrit cuant che al veve sis agns. Il KV626 al e il famos Requiem in Re minor. Tal so catalic e je tratade dute interie la leterature musical in ducj i gjenars. Il teatri musical al e la so vocazion parce che al e dula che al po meti insieme ducj i gjenars. Lis so oparis plui famosis a son il "Don Giovanni" e il "Flauto magico".