La
resistence taliane
al e l'insiemit dai moviments politics che a si son oponuts ai fassiscj e ai naziscj che a vevin cjapat il pode tal centri e in alte Italie dopo dal
8 di setembar
dal
1943
.
Inte resistence a jerin grups, plui o mancul organizats, di diviers origjin politiche, cu la idee comune di combati militarmentri il guvier de
Republiche Social Taliane
e lis trupis todescjis. La lote di liberazion a fini cu la insurezion gjeneral dal
25 di Avril
dal
1945
proclamade dal Comitat di liberazion nazional pe Alte Italie (CLNAI). I partigjans a cjaparin il control di scuasit dutis lis citats de alte Italie prime che a rivedin lis trupis aleadis.
Lis trupis todescjis in Italie si rinderin il
29 di Avril
, in
Friul
, che al jere stat anetut a la
Gjermanie
cul non di
Adriatische Kusterland
, si combate cualchi di di plui fin ai prins di
Mai
.
Il moviment partigjan partit in mut spontani in seguit al si organiza in Comitat di liberazion nazional (CLN) dividut in brigadis e divisions come lis Brigadis Garibaldi dal partit comunist, lis Brigadis Matteotti dal partit socialist, lis Brigadis Justizie e Libertat leadis al partit d’Azion e altris.
Fra il
8 di Setembar
dal
1943
e il
25 di Avril
dal
1945
in alte Italie si combate une vere e proprie vuere civil. La azion dai partigjans a intindeve jessi une vuere patriotiche e di liberazion dai todescs ma di fat al fo ancje une vuere civil cui fassiscj e la
Republiche di Salo
.
In
Friul
la situazion a fo une vore plui complicade parce che su la vuere di liberazion combatude di bande taliane e su che combatude di bande jugoslave si misclicarin il desideri di svindic e lis rivendicazions nazionalistichis.
In plui te mont Furlane si jerin insediats i
Cosacs
aleats dai todescs.
Si calcole che pe Resistence taliane a sedin muarts 44.700 partigjans e che 21.200 a sedin restats mutilats. Almancul 40.000 soldats talians a muririn combatint cuintri di todescs dopo dal
8 di Setembar
dal
1943
e altri 40.000 a muririn tai
lagers
naziscj.
Lis feminis partigjanis a forin cirche 35.000; 4653 a forin arestadis e torturadis. 2.750 a forin depuartadis in Gjermanie, 2812 a forin copadis, 1070 a muririn combatin; 15 a an cjapat la medaie di aur a la resistence.
I civii muarts tes rapresais nazistis a forin cirche 10.000, i talians di religjon ebraiche depuartats a forin 10.000.
Vos leadis a la vuere partigjane in Friul
[
cambie
|
modifiche il codic
]