La colombe de pas
La
pas
e je un stat di acuardi stabil e positif cence nissun contrast violent.
Al e doprat ancje par conta di cuant che a finissin conflits internazionai, in chel contest si cjacare di pas in oposizion a une condizion di vuere. Pas e po ancje jessi une relazion tra plui parts dula che a regnin rispiet, justizie, bonvivi e bensta. La pas jenfri lis nazions e je obietif di tantis personis e di organizazions come l'
ONU
(
Organizazion da lis Nazions Unidis
). La Assemblee Gjeneral de ONU e a decidut di marca la Zornade Internazional de Pas il
21 di Setembar
.
La tradizional definizion politiche e ven fintremai de antighe
Pas Romane
, la "
pax, absentia belli
", ven a stai assence di vuere, une situazion dula che une fuarce e guvierne cuntun pode dut intes sos mans cence rispiet dai dirits dai sotans.
In di di vue, la pas come clare assence di vuere e je une definizion nome di une picule part dal probleme; un preseat ricercjador, Johan Galtung, al mostre come cheste e je nome une "
pas negative
" parce che al pense che prin si scugni distriga i conflits, podopo si fasara su la pas.
Il Mahatma
Gandhi
al diseve che se une societat e dopre la violence, che societat e no po jessi in pas parce che e je sot de injustizie de opression.
La so vision di pas e je leade a la justizie. Johan Galtlung cheste le clame "
pas positive
". La gjestion non-violente e cir une mude pacifiche dal conflit secont la cual al conven tramuda il conflit e no abulilu.
Martin Luther King
Jr. inte so lote pai dirits civii e cuintri la segregazion razial intai
Stats Units di Americhe
, intai agns 1950-‘60, al a capit che la pas e je alc di plui che nome la assence di violence. Al motivave che ancje se no jerin scombatiments di blancs cuintri neris, instes si jere in presince di un guvier che al gjavave la pussibilitat di ve compagns dirits ai neris di Americhe (
Afromerecans
). Cualchidun al criticave i ativiscj di sconcierta la pas social al che Martin Luther King al rispuindeve che "
la vere pas no je nome la mancjance di tension, ma e je la presince di justizie
".
Johan Galtlung al a clamat cheste “
violence strutural
”.
Une idee che dispes e si lee ai studis pe pas e je e che di svilup, si cjacare alore di "sotsvilup" intal cas di nazions e int puaris dal pont di viste economic, cultural, e politic. Alore tancj a crodin che la protezion e l'aiut a sedin manieris di costruzion de pas (clamat spes cun la peraule inglese
peacemaking
) che e cjapares dentri ancje une grande atenzion a l'ambient e a dutis lis creaturis che i vivin. Il mantegni la pas (par
ingles
peacekeeping
) cun la fuarce invezit e je une maniere di fa preseade dal sisteme politic militar.
Sul plan individual la pas e je compagne di un stat dal didentri cence rabie, odi e sintiments negatifs, che e si brame par se e par chei altris al pont di doprale come maniere di saluda (
che la pas e sedi cun te, va la in pas
) o tant che un fin tiermin de vite (
cjata la me pas, polsa in pas
).
La tradizion cristiane e lee la pas in tiere a un acuardi tra
Diu
e cui che lui i vul ben, ven a stai ducj.