De Vichipedie, la enciclopedie libare dute in marilenghe.
Lis
Americhis
, dispes clamadis nome
Americhe
, a son doi continents tacats fra di lor cu l'
istmi di Panama
. I doi continents a son l'
Americhe dal Nord
e l'
Americhe dal Sud
.
Lis Americhis a confinin a Nord cul
ocean Glacial Artic
, a est cul
ocean Atlantic
e a soreli pognet cul
ocean Pacific
. La Americhe dal Nord e je separade de
Asie
dal
stret di Bering
a nord-ovest dal continent.
A voltis cun Americhe dal Nord si intint nome la part plui a nord (
Stats Units
e
Canada
), che e jere stade colonizade sore dut dai
ingles
. La
Americhe Central
e fas part de Americhe setentrional, ancje se ideologjicametri e forme, adun cu la Americhe dal Sud, la
Americhe latine
.
La Americhe e ven clamade ancje
gnuf mont
par disferenceale dal vieri mont (
Europe
,
Asie
e
Afriche
).
L'om al e rivat intes Americhis uns 30.000 agns indaur passant pal
stret di Bering
cuant che al jere dut glacat. Planc planc al a colonizat dut il continent e a son nassudis des civiltats tant che i
Mayas
, i
Incas
e i
Aztecs
, isoladis dal rest dal mont.
Al somee che i prins europeans a riva in Americhe dal Nord a sedin stats i
vichincs
ator dal
1100
dopo di Crist. Dut chest nol jere cognossut in Europe, tant e je vere che la scuvierte de Americhe, fate di
Cristoful Colomp
intal
1492
, e je sucedude par cas, parce che l’esplorador al pensave di riva in
Indie
.
Il non
Americhe
al e stat inventat dal cartograf todesc
Martin Waldseemuller
in onor a chel dal esplorador
Amerigo Vespucci
.
Lis Americhis a an une superficie di 42.223.788 chilometris cuadrats, ven a stai poc di mancul di che de
Asie
, la popolazion e je di plui di 800.000.000 di abitants cuntune densitat medie di cirche 19 abitants par chilometri cuadrat. Intes Americhis a son 35 nazions indipendentis (23 tal Nord e 13 tal Sud) e un pocs di teritoris semi-indipendents.