Manuela Di Centa ( Paluce 31 di zenar 1963 ) e je stade une schiadore taliane, campionesse olimpiche di schi di font.

Vue e je une politiche taliane.

Biografie [ cambie | modifiche il codic ]

Rivelazion dal schi talian Manuela, daspo ve fat lis categoriis dai zovins, e jentre te Nazional taliane a 17 agns. A 19 agns tai Mondiai di Oslo Manuela e concuiste l'otaf puest e inte categorie juniores e concuiste le medaie di arint. E ven elezude come rivelazion de manifestazion, ma par vie di cualchi incomprension cul president de Federazion taliane e lasse la Nazional par torna tal 1986 a 23 agns.

Manuela e partecipe a ducj i campionats fasint simpri mior: Tal 1982 concuiste le medaie di arint ai Mondiai Juniores . Intal 1984 e partecipe a lis Olimpiadis tignudis a Sarajevo . Intal 1988 e partecipe a lis Olimpiadi s tignudis te citat di Calgary, concuistant il sest puest te gare dai 20 chilometris di tecniche libare. Tai Mondiai di schi nordic , organizats in Italie, Manuela e vinc une medaie di arint e tre di bronc. Tal 1992 la prime medaie olimpiche. Un bronc tes Olimpiadis invernals tignudis a Albertville . Tal 1993 tai Campionats mondiai a Falun , in Svezie ancjemo un arint e un bronc.

Le svolte e rive tai Zucs Olimpics di invier a Lillehammer indula che Manuela e concuiste cinc medaiis (dos di aur, dos di arint e une di bronc)in cinc garis, un record mondial, e tal stes an ancje la prime cope dal Mont. Tal 1995 in Canada a Thunder Bay ancjemo un bronc e un arint e a 33 agns le seconde cope dal Mont.

Tal 1996 Manuela e vinc la Medaie Hollmenkollen , un dai plui prestigjos riconossiments par une fondiste, medaie che nissun talian al veve vincut. Tal 1997 Manuela e ven premiade cul premi "Sportivo Piu", uniche femine adun cun Annarita Sidoti . L'ultin premi al e stat la medaie di bronc tes Olimpiadis invernals a Nagano ( Gjapon )

Daspo Manuela e lasse la ativitat sportive.