Uurdebok.
Dat koon weese dat en uurd unti en utdruk apnumen wart onj Wikipedia, man dat as dan bloot su ouerdat deer mor ouer schraawen warde koon as wat onj en uurdebok hiirt. Tubai dat ansiiklopedii-projakt Wikipedia jaft dat uk en uurdebok-projakt Wiktionary, weer we uk nuch friiske farsjoone foon maage schan. Deer hiire dan saage onj wat uurd-spesiifisk tu douen heewe ma gramatik, seetinge an bedjusing, weer en ansiiklopedii ham mor aw saage betjucht.
Diskusjoons- unti nais-foorum.
Wan huum uk miininge heet ouer dat subjakt foon en side, su schal huum deer duch objaktiiv bliwe. Dat gungt bloot am informasjoon.
Weebportal.
Wan huum uk walj iinjsen ferwise eefter buten tufaige koon, su schal di takst seelew duch dat wichtiste part foon en artiikel bile.
Takstsoomling.
Dat koon weese dat foon en literarisch arbe unti en ouer takst en latj stuk onjfjard wart as baispal. Man Wikipedia as niinj soomelplas foon boke unti sungtakste. Natorlik koon huum en ouersacht maage ouer en schriwster ma en ouersacht foon sin arbe, man da takste seelew schan ouersweer unerbroocht warde.
- P.S. Takste fanst Du
deer
. --
Murma174
(
Diskussion
)
13:49, 16. Mar. 2013 (CET)
[
Swaare
]
Ansiiklopedii foon Nordfriislonj.
Frasche saage warde natorlik oofding iir onjfjard as saage ut ouer lonje, man dat muulj as datseelwie as dat foon ouerssprakige Wikipedias: En ansiiklopedii ouer ju ganse wral. Deer as alsu plas for informasjoon ouer Fraschlonj, man dat as just su godj wan du informasjoon ouer ouer saage baidreege waat.
