Tasmaanien

Tekst uub Fering

Tasmaanien ( ingels : Tasmania ; folsis uk Tassie ; ap tu 1853 Van-Diemens-Land ) as en eilun bi a uaster kant faan a Indisk Ootseaan , wat amanbi 240 km am a suud faan det austraalisk feestlun as. A begrip staant diartu for alike neemd austraalisk bundeslun. At bundeslun hee 509.965 lidj (2016) ^[1]. A hoodsteed as Hobart .

Geografii [ Bewerke | Kweltekst bewerke ]

Det Bass Struat dialt Tasmaanien faan det austraalisk feestlun. Uun't struat san hog eilunen, diarfaan don gratst King-Eilun , Flinders-Eilun an Cape Barren-Eilun san. De huuchst berig faan't bundeslun as Mount Ossa , wat uun det Madel Huuchlun leit.

Kliima [ Bewerke | Kweltekst bewerke ]

Temperatuur, Rin of Sna uun Hobart, Tasmaanien

	Jan	Feb	Mar	Apr	Mei	Jun	Jul	Aug	Sep	Okt	Nof	Det
Max. Temp. ( °C )	21,5	21,6	20,1	17,3	14,4	11,9	11,6	13,0	15,0	16,9	18,5	20,2	Ø	16,8
Min. Temp. (°C)	11,8	12,0	10,8	8,9	6,9	5,1	4,5	5,2	6,4	7,7	9,2	10,7	Ø	8,3

Rin of sna ( mm )	47,8	40,5	45,5	52,2	47,1	54,3	53,2	52,6	51,5	63,0	55,0	57,4	Σ	620,1

Rindaar ( d )	11,0	9,5	11,3	12,3	13,4	13,9	15,0	15,3	15,1	16,3	14,3	12,9	Σ	160,3

Efter: WMO

Indialing faan Ferwalting [ Bewerke | Kweltekst bewerke ]

At bundeslun hee 29 lokaal ferwaltingsgebiiten (uub Ingels: Local Government Areas ). Luke diar: List faan Local Government Areas uun Tasmaanien .

Steeden [ Bewerke | Kweltekst bewerke ]

Hobart

Don tjiin gratst steeden uun't bundeslun san:

#	Steed	Lidj (2021) ^[2]
1	Hobart	197.451
2	Launceston	80.943
3	Devonport	24.591
4	Burnie-Somerset	20.267
5	Ulverstone	12.723
6	New Norfolk	6153
7	Wynyard	5387
8	Dodges Ferry-Lewisham	5219
9	Latrobe	4456
10	George Town	4408

Histoore [ Bewerke | Kweltekst bewerke ]

Tasmaanien wurd tu't manst foor 35.000 juar faan a nuurd utj auer det feestlunferbinjing tu det tidj tu Austraalien besiidelt. At auerfluting faan det Bass Struat foor amanbi 12.000 juar isoliaret a iinwenern faan Tasmaanien faan a iinwenern faan't feestlun. 1642 siild Abel Tasman , en holuns siafoorer, ma a skeb Heemskerck an Zeehaen loongs a suudeeg faan Austraalien an foon at eilun for a europeern. Hi neemd at eilun Van Diemensland , efter Anthonie van Diemen , diar a guwernoor faan don Holuns Uastinjin wiar. 1803 saatet a briiten bi Risdon Cove bi de Derwent River det iarst europeeisk siidlung uub Tasmaanien ap. 1856 wurd at eilun Tasmaanien amneemd.

Politiik [ Bewerke | Kweltekst bewerke ]

Tasmaanien hee sant 1856 en parlament. At parlament hee tau koomern: at House of Assembly (de naist koomer) an de Legislative Council (de iarst koomer). En nei parlament wurt arke fjauer juaren direkt faan't folk weelet.

A baas faan a bundesstoot as a premier-minister (uub Ingels: premier ). Jeremy Rockliff as sant de 8. April 2022 a premier-minister faan't bundeslun.

Auer dat Tasmaanien dial faan en konstutsionel monarchii as, hee a bundesstoot en guwernoor, diar a koning of at koningin faan Austraalien fertreet.

Kwelen [ Bewerke | Kweltekst bewerke ]

[1] Australia:Tasmania , citypopulation.de

[2] Australia:Tasmania , citypopulation.de

[1]

[2]