An Gulbuckpar baggd jar an Nast
Fan Ruch, Hingsthiar an Oll
Madd Raid an Pualemrutter fast,
Un Skull for Focht an Koll.

  So hiamelk an so fin ferstat
Onner an Iadkulskaanth.
Diar hedd 's nian Awerlast, Fertrett,
Nan Kommer an nian Waanth.

  A Mantji sed ub an Jatpual
An sung, an wurd eg trat.
Hi sung, all wat at Tjuch kudd hual,
Wann 'th Wiiftji worrep an brat.

  An Huarem, ruad an witj fan Klor,
Diar utj tu ruwin ging,
Di hedd det Nast uck ball ub 't Spor,
Man kud'd at gor eg ling.

  Hu skull hi det nu doch unting ?
Wat skull hi du? Hi mad
Do Aier so holl tu ham bring.
Nu harki 'm, wat 'r sad :

  ?Det liaw ick, jam satt madd un 'th Ruch.
Wat ha jam 't hirr doch rar!
Man for sock ongelk Ruwertjuch
Stunn jam doch un Gifar.