Rewolutsion uub a struaten faan Berlin di 18. Marts 1848
At
Martsrewolutsion
of uk
Sjiisk Rewolutsion faan 1848/49
wiar en
politisken
apstant uun a
Sjiisk Bund
faan Marts 1848 bit Juule 1849. Di apstant lingd widj auer a Sjiisk Bund henwech iin uun't Konangrik
Ungarn
, Boower
itaalien
an
Poolen
.
Hat wiar fooraal en liberaal, burgerlik an demokraatisk aplonin jin a absolutismus, det regiarin faan a
aadel
. Al uun Janewoore 1848 wiar't diarauer uun Itaalien an
Spoonien
tu stridj kimen, uun Febrewoore 1848 uun
Frankrik
.
Di 18. Mei 1848 as do uun a Paulssark uun
Frankfurt
det iarst demokraatisk parlament uun Sjiisklun tuupkimen. A foorsten an konger wul det oober ei hen nem, an haa uun a Juune 1848 at militeer luas sjuurd, am a demokraaten tu ferfulgin an faast tu nemen. Det rewolutsion kaam tu aanj, an hor uunfeerern san flucht tu Frankrik,
Ingelun
an a
Sweits
, man uk tu
Ameerikoo
an
Austraalien
, huar jo
Fortyeighters
naamd wurd:
Aachtanfiartager
.
Uun
Nuurdfresklun
wiar't
Harro Harring
, di a 23. Juule 1848 sin ?
Reede tu a Nuurdfresken
“ uub a markes faan
Breetsteet
haal. Diar wul hi en
Nuurdfresk Republiik
utjrep, man det haa uk ei loket.
