Erk-Uwe Schrahe

Di Bidrach "Erk-Uwe Schrahe" staant eksklusiif on di Nuurđfriisk Wikipedia!

Leewent [ Bewerke | Kweltekst bewerke ]

Erk-Uwe Carl Schrahe (* 16. B?richtmuun ^[1] 1931 on ?richsem , † 27. Ismuun 2018 ) heer Solring liirt, wan hi al aur 50 Jaaren ual wiar.
Diarbi her hi sa fuul Fruger, dat hi wat diarfuar do wel, dat des Spraak ?procht hualen uur ken.
Wan hi en bet snaki kur, da wel hi uk skriif.
Di Bigening wiar Boker en Aarberen sa us

"Deutsch-Sol'ring zum Sol'ring Uurterbok von Boy P. Moller"(Solring Foriining, 1991)
"Hus- en Straatennaamen" (Solring Foriining, 1994)
Di Fjuur Evangelien (meaarbert), 2006 ^[2]
Kalender, wat help skul, di Solring Spraak to liir.

Masi Energii en Aarber es iin on dat "Solring Uurterbok" (Uurterbokstair fan di Christian-Albrechts-Uniwersiteet, 2006) gingen. Soner des kur em deling (2011) gaar ek muar Solring liir, aurdat et sa fuul mener snaket uur.

Iaringen [ Bewerke | Kweltekst bewerke ]

To sin 75. Gibursdai es en Bidrach iin on't Bleer fan't Nuurđfriisk Instituut utdonen uuren.

Dit es en senerk Iaring, aurdat di Skriiwers ek fan Sol kum, en dach up Solring skrewen haa.

To Iaren fan sin Tachentigst Gibursdai on't Jaar 2011 uur sin Bok " Di Litji Prins " drukt.

Senerk es diaraur, dat et jit bluat us Kopii fuarliit, wat me Skriifmaskiin skrewen es.
Hat maaket noch rocht fuul Aarber, dit digitaal torocht to fo.

On di 9. Detsembermuun 2012 ^[3] heer Schrahe di 49. C. P. Hansen - Pris fingen.

Mait aur di "Litj Prins" / Film [ Bewerke | Kweltekst bewerke ]

Erk-Uwe Schrahe fortelt jir wat aur di "Litj Prins".

Help: Video giar ek?

Jir hok Bispolen aur di Aarber, wat hom Schrahe me sin Skriifmaskiin en en Kopiarer maaket heer.

Titelbleer
Sir Numer Trii
Di Bigening fan't Kapitel aur di Super.

Bruarwening [ Bewerke | Kweltekst bewerke ]

Di Bruarwening fan Schrahe es fan di Tachentigerjaaren on Postmaister wesen, hi her di Poststair on Raantem .

Futnooten [ Bewerke | Kweltekst bewerke ]

↑ Dit haa ik fan't Nuurđfriisk Instituut. Iin on't Uurterbok staant, dat di August di B?richtmuun es.
On't Forteekinis fan di Bibelboker staant "16.08.31" us Schrahe sin Gibursdai.
Wunerlig es diaraur man bluat, dat di September en uk di Oktoober on't Uurterbok "H?refstmuun" jit.
Da skel wu jit luki, hur'ling wu dit up di Reeg fo.
↑ Hat wiar ek uttofinj, hoken dit utdonen heer.
Sa fuul es man dach klaar: Hat wiar en Tohopaarber, wat bi di Solring Foriining biskrewen uur, en di deensk Prost wiar mal bliir diaraur.
↑ Di 9. Detsembermuun es uk di Sterewidai fan C. P. Hansen .

Teksten [ Bewerke | Kweltekst bewerke ]

Wikisource: Onspraak to di Biike on Raantem, 2002

Wikisource: En Doontji

Wikisource: Aphorismen Solring

Wikisource: Witsi Solring

Luki uk jir [ Bewerke | Kweltekst bewerke ]

[1] Dit haa ik fan't Nuurđfriisk Instituut. Iin on't Uurterbok staant, dat di August di B?richtmuun es.
On't Forteekinis fan di Bibelboker staant "16.08.31" us Schrahe sin Gibursdai.
Wunerlig es diaraur man bluat, dat di September en uk di Oktoober on't Uurterbok "H?refstmuun" jit.
Da skel wu jit luki, hur'ling wu dit up di Reeg fo.

[2] Hat wiar ek uttofinj, hoken dit utdonen heer.
Sa fuul es man dach klaar: Hat wiar en Tohopaarber, wat bi di Solring Foriining biskrewen uur, en di deensk Prost wiar mal bliir diaraur.

[3] Di 9. Detsembermuun es uk di Sterewidai fan C. P. Hansen .

[1]

[2]

[3]