Tekst uub Fering

Augustus (baaren Gaius Octavius , uk Octavianus neemd; * 23. September 63 f.Kr. uun Room ; † 19. August 14 uun Nola bi Neapel ) wiar faan 27 f.Kr. tu san duas de iarst keiser faan det Roomsk Rik . Hi wiar Julius Casar san gratnefe.

Leewent [ Bewerke | Kweltekst bewerke ]

Efter Julius Casar san duas naam de stootsmaan Marcus Antonius at meecht faan det Roomsk Republiik. En konflikt begand man twesken ham an de roomsk Senaat , wat for Octavianus uus Casar san efterfulger wiar. En kurt burgerkrich bruch utj, diaruun Octavianus uun a slacht bi Mutina jin Marcus Antonius woon. Kurt diarefter begand man en konflikt twesken Octavianus an a Senaat, an hi wurd frinjer ma Antonius an en oler stootsmaan, Lepidus .

At republiik wurd 40 apdiald: Antonius fing a uast, Octavianus a waast an Lepidus Afrika. Lepidus ferlus bal at meecht. Auer Antonius tup ma Kleopatra VII. koningin faan Egypten wiar an handelt ham uus en uastelk prins, begand en konflikt twesken ham an Octavianus. Octavianus naam efter en slacht Alexandria : Antonius an Kleopatra ded jo kurt diarefter tu kurt.

Octavianus kaam 29 tu Room turag an naam a tiitel imperator auer. 13. Janewoore 27 saad hi amtelk, dat at republiik welermaaget as. Trii daar leeder ded tu ham a Senaat a tiitel Augustus . Det republikaans utjsen faan Augustus sin reegiment fersteet man en monarchii, wat en autokraatisk karakter hed.

Luke uk diar [ Bewerke | Kweltekst bewerke ]

• Roomsk Keisern faan det Juulisk-Claudisk Dynastii : Augustus (27 f.Kr.-14), Tiberius (14-37), Caligula (37-41), Claudius (41-54), Nero (54-68).