Tekst uub Fering

Abdulasis (uub Osmaans Turkisk : ??? ?????? ‘Abdu'l-’Az?z , uub Turkisk : Abdulaziz ; * 8. Febrewoore 1830 uun Konstantinoopel ; † 4. Juune 1876 uk diar) faan 25. Juune 1861 tu 30. Mei 1876 wiar de 32. sultaan faan det Osmaans Rik .

Hi wurd sultaan efter a duas faan sin bruler Abdulmedschid I. . Twesken 1861 an 1871 don Tansimat -refoormen, wat uun't regiaringstidj faan san bruler begand, wurd oner't feering faan sin ministern Mehmed Fuad Pascha an Mehmed Emin Ali Pascha widjerfeerd. Hi wiar de iarst osmaans sultaan, diar tu waasteuroopa raiset an en somren 1867 en ra faan wichtig europeeisk hoodsteeden beschukt, diaroner Pariis , London an Wien . Efter a duas faan Mehmed Fuad an Mehmed Emin Ali wurd 1871 Mahmud Nedim Pascha a gratwesiir. A sultaan wul, uunsteed for sin nefe Murad (wat efter det ual truunfuligordning san arew wiar), dat san dring Jusuf Issedin san arew wurd. Ma Ruslun leet hi ham uun ferhanlingen auer en putsch ma rus halep iin, am det ual truunfuligordning amtustorten. 1875 wurd a stoot bankerot auer a kosten faan’t modernisiaring faan’t armee, det luksurioos leewenstil faan a sultaan an sin baufoorhaan, diaroner at renowatschoon faan de Cıra?an-Palast. 1875 kaam det uk tu staheun uun Bosnien an Hertsegowina , 1876 fuligt det bulgaars Aprilstaheu . Det wurd liawet, dat Ruslun don tau staheun holep. Uun Konstantinoopel kaam det 11. Mei 1876 tu't staheu jin Mahmud Nedim. A sultaan entleet det, man wurd hi uun a naacht faan 29. tu 30. Mei 1876 faan Husein Awni Pascha an Midhat Pascha tu uftoonking twungen. 4. Juune wurd Abdulasis uub jo order uun de Cıra?an-Palast ambroocht.

Luke uk diar [ Bewerke | Kweltekst bewerke ]

• Sultaanen faan det Osmaans Rik uun don njuugentanjst an twuntigst juarhunerten : Selim III. ( 1789 ? 1807 ), Mustafa IV. ( 1807 ? 1808 ), Mahmud II. ( 1808 ? 1839 ), Abdulmedschid I. ( 1839 ? 1861 ), Abdulasis ( 1861 ? 1876 ), Murad V. ( 1876 ), Abdulhamid II. ( 1876 ? 1909 ), Mehmed V. ( 1909 ? 1918 ), Mehmed VI. ( 1918 ? 1922 ).