El
riu Gangis
o
Tanga
?ena idioma sascrita i ena huerca delas lenguas indias,
ga?g?
, que senifica 'vai, vai', es dizil, 'que se muevi con ligereza'; ena escreviura devanagari, ????; nel sistema IAST de trasliteracion,
ga?g?
? es un riu assitiau nel
sucontinenti indiu
que discurri pol meyu dela India i de
Banglades
. El riu, de 2525 km, tien nacencia ena parti ocidental dela sierra'l
Imalaya
, nel estau indiu de
Uttarakhand
, i ahila pal sul i pa salienti por me delos plaus i tierras umidas d'alreol del propiu i del
Indu
. Endispues d'entral-si en
Bengala Ocidental
, se separa n'otrus dos rius: el
Hooghly
, o Adi Ganga, que s'aboca ena baia de Bengala, cerquina dela isla
Sagal
; i el Padma, que discurri por Banglades, i s'ajunta al Meghna, muriendu mesmu ena baia de Bengala. L'abocaura, ala qu'allega tamien el
Brahmaputra
, horma'l delta del Gangis, el delta mas grandi'l mundu, conociu comu los "Sundarbans" ('
los bosquis lindus
'), region enllenita d'alameas mu espesas andi vivi'l
tigri de Bengala
.
Alreol del Gangis vivin unus pocus de cientus de millonis de pressonas (quasi qu'una de cada dies del mundu, concretamenti). L'
induismu
lo considera'l riu mas sagrau'l mundu i ca anu millonis de pressonas acuyin pa el pa banal-si enas sus aguas, mesmu pa moril, en creyendu qu'assina podran compretal el ciclu dela rencarnacion. No estanti, es unu delos rius mas enguarraus del mundu i echa al Oceanu Indicu una harta de restus contaminantis.