Te damus la bienvenia a la Guiquipedia! La version en estremenu prencipio el 24 Eneru 2007 i ya tenemus quasi que 400 endilguis, i si mos ayuas, la ciclopedia libri ludiara mas ligeru.

Comu se hazin los endilguis? [ Edita'l codigu ]

Esta ciclopedia de propositu general esta siendu entanga por genti comu tu i comu yo. En esti mesmu momentu, de juru alguien estara a edital o a escrevil angun articulu. No es mestel sel un usuariu registrau pa prencipial a contribuil, pero si lo eris, te sedra mas faci agavillal-ti ena comunida.

Pueis raceal pola Guiquipedia i trabajal en tolas paginas que quieras; namas tienis de seguil el atiju "edital" que esta ena parti cimera de tolos endilguis (mesmu esti). Pueis esprimental ena zona prevas . Si estas con nusotrus, seguru que te empicas a la pagina cambius rezientis. Pueis (i devis) sel arrisgau editandu, porque muchus articulus s'an costruiu por mo de contribucionis de varias pressonas.

Los cincu lexis fundamentalis la Guiquipedia [ Edita'l codigu ]

Ain cincu puntus fundamentalis enos que te devis de reparal enus tus articulus i edicionis:

* Estu es una ciclopedia i tolas lavoris devin de dil en essa derecion.

* Devemus de sel neutralis quandu escrevamus que.

* El ojetivu es enxaretal una ciclopedia de conteniu libri, assinque no se consienti en casu dengunu material con derechus d'autol (copyrights) sin el premissu correspondienti d'el.

* Wikipedia sigui unas normas d´etiqueta que devin de respetal-si.

* Tienis de sel valienti editandu paginas, enque siempri con conocimientu.

Portamientu [ Edita'l codigu ]

Amas d´essu, s´aspera que los contribuyentis se portin de horma civiliza i que los descutinius que puean produzil-si enas paginas descutina de ca endilgui tengan el propositu de amejoral el articulu, no tratal d'emponel ciertas almiracionis.

Precura de tenel buena ortografia, ya que es algu emportanti en el momentu d'una consulta; las pressonas comu tu i comu yo nessecitamus de testus de buena calida.

Portamientu ena Guiquipedia

* Guiquipetiqueta

* Neutralida

* Evital marrus de continu

El huturu [ Edita'l codigu ]

Es capas que piensis que la Guiquipedia acabara siendu un produtu de baxa calida, ya que es un proyetu abiertu a tol mundu. Pero quicia es, prejisamenti el hechu de que este abiertu a tol mundu lo que hazi que una tupa articulus seyan buenus, i los convierta en material en costanti pogressu. Tendemus a agural pal mas altu comun denominaol (denominaoris "mas baxus" tiendin respetuosamenti a no tocal los articulus sobre los que no tienin conocencia). Ai aqui a trabajal licenciaus, estudiantis, professoris i otras pressonas con mucha conocencia i tolos colavoraoris son bienvenius.