Wikipedia, Entziklopedia askea
Varlam Tikhonovitx Xalamov
(
errusieraz
:
Варла?м Ти?хонович Шала?мов
;
Vologda
,
1907ko
ekainaren 18a
?
Mosku
,
1982ko
uztailaren 17a
) errusiar idazle, kazetari eta olerkaria izan zen.
Gulagetik
bizirik atera zen.
1937-1951 aldiaren zati handi bat
Kolima
eskualde artikoko lan behartuan preso igaro zuen,
Leon Trotskiren
laguntzagatik eta
Ivan Bunin
idazleari egindako laudorioagatik.
1946tik aurrera mediku laguntzailea izan zen preso jarraitzen zuen bitartean. 1953an askatu ondoren, beste urte batzuetan jardun zuen lanbide horretan.
Talde trotskista batekin bat egin ondoren, 1929an kartzelara bidali zuten 1931 arte. 1932an Moskura joan zen eta kazetari gisa lan egin zuen eta artikuluak, saiakerak eta 1936an lehen ipuina argitaratu zituen.
Purga Handian
, 1937an, bost urteko kartzela-zigorra ezarri zioten, eta Kolimara bidali zuten, "heriotza zuriaren lurraldea" bezala ezaguna. 1943an, hamar urteko hirugarren zigorra ezarri zioten, Ivan Bunini idazle handi bat deitzeagatik.
1952an bere olerkiwk
Boris Pasternaki
bidali zizkion eta honek goraipatu egin zituen. 1954tik 1973ra,
Kolimako ipuinak
izeneko bortxazko lan-eremuetako bizitzari buruzko ipuin-liburuan lan egin zuen. 1956an Moskura itzuli eta
Moskva
aldizkariko berriemaile literarioa izan zen. Olerkiak argitaratu zituen eta
Kolimakp ipuinak
liburuaren eskuizkribuak bidali zituen ezkutuan atzerrira,
samizdat
bidez banatuak. Itzulpena 1966an argitaratu zen eta errusiar bertsioa 1974an Londresen.
