Rafael Fruhbeck
Bizitza
Jaiotzako izen-deiturak	Rafael Fruhbeck Fruhbeck
Jaiotza	Burgos ,  1933ko irailaren 15a
Herrialdea	Espainia
Heriotza	Irunea ,  2014ko ekainaren 11  (80 urte)
Hobiratze lekua	Burgos cemetery (en)
Heriotza modua	berezko heriotza : minbizia
Hezkuntza
Heziketa	Madrilgo Goi Mailako Errege-Musika Kontserbatorioa University of Music and Theatre Munich (en)
Hizkuntzak	gaztelania
Jarduerak
Jarduerak	orkestra zuzendaria , musikagilea eta musika-zuzendaria
Lantokia(k)	Dusseldorf Viena Berlin  eta  Dresden
Jasotako sariak	ikusi honorary doctorate of the University of Burgos  (1998) honorary doctorate of the University of Navarre
Kidetza	San Fernandoko Arte Ederren Errege Akademia Vienna Symphony (en)
Genero artistikoa	musika klasikoa
Musika instrumentua	biolina

Rafael Fruhbeck Fruhbeck ?izengoitiz Rafael Fruhbeck de Burgos ? ( Burgos , Espainia , 1933ko irailaren 15a - Irunea , Nafarroa Garaia , 2014ko ekainaren 11 ) orkestra -zuzendaria eta musikagilea izan zen. Besteak beste, Bilboko Orkestra Sinfonikoa , Yomiuri Nippon orkestra sinfonikoa , Espainiako Orkestra Nazionala , RAIren Orkestra Sinfoniko Nazionala eta Danimarkako Orkestra Nazionala zuzentzeko lanetan jardun zuen.

Bizitza [ aldatu | aldatu iturburu kodea ]

Alemaniar gurasoak zituen. Madrilgo eta Bilboko kontserbatorioetan egin zituen ikasketak, biolinekoak, besteak beste. Zarzuela -konpainien zuzendari gisa jardun zuen, eta, gero, Berlina aldatu zen, orkestra zuzendaritzako ikasketak egitera, Lessing eta Eichhorn irakasleekin.

Espainiara itzuli ondoren, itsas armadako banden zuzendari izan zen Santanderren 1953tik aurrera. 1958an, Bilboko Orkestra Sinfonikoaren zuzendari egin zuten, eta 1962etik 1978ra Espainiako Sinfonikoan bete zuen kargu hori bera. Lan horretan ari zen bitartean, Dusseldorfeko Zuzendaritza Musikal Orokorraren ardura ere izan zuen (1966-1971), eta harrezkero karrera bikaina osatu du nazioartean. Zuzendari nagusi gonbidatua izan da New Philharmonic Orchestra n, Montrealgo Orkestra Sinfonikoan, Yomiuri Nippon orkestra sinfonikoan eta Washingtongo Sinfonikoan. 1989an, Vienako Orkestra Sinfonikoaren zuzendari titular izendatu zuten. Hainbat disko grabatu ditu. 2001az geroztik, RAIko Orkestra Sinfoniko Nazionaleko zuzendari nagusia da, eta 2004-05 denboraldiaz geroztik Dresdengo Filarmonikoko musika-zuzendaria.

Erreferentziak [ aldatu | aldatu iturburu kodea ]