Petri Semenoitz Gatzolatzekoa

Petri Semenoitz Gatzolatzekoa
Iruneko gotzaina	; 1241 - ; ← Petri Ramirez Piedrolakoa - Armingot → ; Elizbarrutia: Iruneko elizbarrutia
Iruneko gotzaina
Bizitza
Jaiotza	Gatzolatz ,
Herrialdea	Nafarroa Garaia , Euskal Herria
Heriotza	1266ko urriaren 28a
Hezkuntza
Hizkuntzak	euskara
Jarduerak
Jarduerak	apaiz katolikoa eta apezpiku katolikoa
Sinesmenak eta ideologia
Erlijioa	Erromatar Eliza Katolikoa

Petri Semenoitz Gatzolatzekoa ( Gatzolatz , XIII. mendeko hasiera ? 1266ko urriaren 28a ) nafar elizgizona izan zen ^[1].

Aita Semeno Gatzolatzekoa izan zuen, Erresumako zalduna izan zena. Kikiltzen ez zen Iruneko apezpikua izan zen, elizaren boterea sendotzeko borrokatu zuena. ^[2]

Tibalt I.arekin harreman txarrak izan zituen; 1244an Agoitzen zeuden onibar batzuk aitzakiatzat hartu eta erregea Elizaren askatasuna urratzen zuela salatu zuen. Harrezkero ez zen giro haien artean eta erregea eskumikatzekotan izan zen. Tibalt II.ak ere aurkaria izan zuen apezpikua.

Elizaren barnean ere arerio asko izan zituen: Iratxeko monasterioari bere elizetan apaiz izendatzea galarazi zion; San Juan de la Pena monasterioarekin , frantziskotarrekin eta Zaragozako gotzainarekin ere liskarrak izan zituen.