Paleogeno

Paleogenoa ^[1] Zenozoikoko lehenengo garai geologikoa izan zen. Orain dela 65,5 ± 0,3 milioi urte hasi zen eta orain dela 23,03 milioi urte bukatu. 43 milioi urteko iraupena izan zuen. Ugaztunak eta belarra garai honetan hedatu ziren mundu osoan zehar. Paleozeno , Eozeno eta Oligozeno garaiak daude barnean.

Paleogenoa, Lurraren historian, trantsizio garaia izan zen. Lurra hoztu zen, batez ere lurburuen inguruetan. Sierra Nevada eta Mendi Harritsuak , Alpeak , Pirinioak eta Himalaia garai hartan sortu ziren.