Lucio Costa

Lucio Costa
	; Irudi gehiago
Bizitza
Jaiotza	Toulon , 1902ko otsailaren 27a
Herrialdea	Brasil ; Frantzia
Heriotza	Rio de Janeiro , 1998ko ekainaren 13a (96 urte)
Hezkuntza
Heziketa	Rio de Janeiroko Unibertsitate Federala ; Escola Nacional de Belas Artes (en) ; Royal Grammar School (en)
Hizkuntzak	portugesa
Jarduerak
Jarduerak	arkitektoa eta hirigilea
Lan nabarmenak	ikusi Gustavo Capanema Palace (en) ; Pilot Plan of Brasilia (en) ;
Jasotako sariak	ikusi Abercrombie Prize (1984) ; Ordem do Merito Cultural (1997) ; honorary doctor of the University of Brasilia ;

Lucio Marcal Ferreira Ribeiro Lima Costa ( Toulon , Frantzia , 1902ko otsailaren 27a - Rio de Janeiro , 1998ko ekainaren 13a ) brasildar arkitekto eta hirigilea izan zen, nazioarteko aitormena jaso zuena ^[1].

Biografia [ aldatu | aldatu iturburu kodea ]

Arkitektura ikasi zuen Rio de Janeiroko Escola de Belas Artes ikastegian. Haatik, albo batera utzi zituen bertan ikasitako arkitektura tradizionala, arkitektura modernoa eta, batez ere, Le Corbusierren lan naroa ezagutu zuenean. Warchavchik arkitekto errusiarrarekin hasi zen lanean. 1930ean Brasilgo Arte Ederretako Eskolako zuzendari hautatu zuten; kargu hartatik arkitektura modernoa bultzatu zuen. Irakasle ere jardun zuen eta, besteak beste, Oscar Niemeyerri klaseak eman zizkion.

1937 - 1943 bitartean, Le Corbusier-ekin batera, Rio de Janeiroko Hezkuntza eta Kultura ministerioaren egoitzako obrak zuzendu zituen. 1948 - 1954 urteetan, Rio de Janeiroko Parque Guinle eraikuntza multzoa eraiki zuen. 1957 . urtean Brasilia hiriburu berria diseinatzeko hirigintza-lehiaketa irabazi zuen zirriborro soil batzuekin, Oscar Niemeyeren gidaritzapean. Lan honek ezagun egin zuen mundu osoan. Hirigintza modernoak aldarrikatzen zuen zonakatzearen eredurik garbiena dugu Brasilia.

Lanik garrantzitsuenak [ aldatu | aldatu iturburu kodea ]

*Ministerio da Educacao e Saude Publica* eraikineko fatxada, Rio de Janeiro, 1936

1936 - Ministerio da Educacao e Saude Publica eraikina, Rio de Janeiro .
1937 - Sao Miguel das Missoes museoa, Rio Grande do Sul .
1939 - Brasileko pabilioia , New Yorkeko Nazioarteko Azokan.
1952 - Casa do Brasil proiektua, Paris .
1956 - Jockey Club do Brasil egoitza, Rio de Janeiro .
1957 - Brasiliako Plan Pilotoa , Brasileko hiriburu berria.

Erreferentziak [ aldatu | aldatu iturburu kodea ]

Artikulu honen edukiaren zati bat Lur hiztegi entziklopediko tik edo Lur entziklopedia tematiko tik txertatu zen 2016/05/08 egunean. Egile-eskubideen jabeak, Eusko Jaurlaritzak , hiztegi horiek CC-BY 3.0 lizentziarekin argitaratu ditu, Open Data Euskadi webgunean .

↑ Com a palavra, Lucio Costa Lucio Costa, Maria Elisa Costa 2000 Page 161 - "LUCIO COSTA (1902-1998) o percurso Anos 10 Nascido em Toulon, Franca, em 27 de fevereiro de 1902, filho do engenheiro naval Joaquim Ribeiro da Costa, natural de Salvador, Bahia, e de Alina Ferreira da Costa, natural de Manaus, .."