Louis-Ferdinand Celine

Louis-Ferdinand Celine
	; Irudi gehiago
Bizitza
Jaiotzako izen-deiturak	Louis-Ferdinand Destouches
Jaiotza	Courbevoie , 1894ko maiatzaren 27a
Herrialdea	Frantzia
Heriotza	Meudon , 1961eko uztailaren 1a (67 urte)
Hobiratze lekua	Longs-Reages cemetery (en)
Heriotza modua	berezko heriotza : burezur barneko aneurisma
Familia
Aita	Fernand Destouches
Ezkontidea(k)	Edith Follet (en) ( 1919ko abuztuaren 10a - 1926ko ekainaren 21a ) ; Elizabeth Craig (en) (1926 - 1933) ; Lucette Destouches (1935 - 1961eko uztailaren 1a )
Bikotekidea(k)	ikusi Lucienne Delforge (en) ;
Hezkuntza
Heziketa	Rennesko Unibertsitatea
Hizkuntzak	frantsesa
Jarduerak
Jarduerak	mediku idazlea , eleberrigilea , idazlea eta militarra
	Parte-hartzailea kolaborazionismo Frantzian ;
Enplegatzailea(k)	Nazioen Liga
Lan nabarmenak	ikusi Gauaren muturrerainoko bidaia ; Death on Credit (en) ; Castle to Castle (en) ; Trifles for a Massacre (en) ; Normance (en) ; North (en) ; Rigadoon (en) ; Fable for Another Time (en) ; Guignol's Band (en) ; Cannon-Fodder (en) ; Conversations with Professor Y (en) ; Mea Culpa (en) ; School for Corpses (en) ; Q3230976 ; Q3213660 ; Q21426767 ; Q21426771 ; Q21426750 ; Q3576699 ; Q21426770 ; Q21426731 ; Q21426745 ; Q21426729 ; Q21426764 ; Q21124999 ;
Jasotako sariak	ikusi Renaudot saria (1932) : Gauaren muturrerainoko bidaia ; Croix de guerre 1914?1918 ; Medaille militaire ;
Mugimendua	modernismoa ; espresionismoa ; errealismoa
Izengoitia(k)	Louis-Ferdinand Celine
Genero artistikoa	saiakera ; eleberria ; Panfletoa ; antzezlana ; libretoa
Zerbitzu militarra
Adar militarra	cuirassier (en)
Gradua	non-commissioned officer (en)
Parte hartutako gatazkak	Lehen Mundu Gerra

Louis Ferdinand Auguste Destouches ( Courbevoie , 1894ko maiatzaren 27 ? Paris , 1961eko uztailaren 1a ), Louis-Ferdinand Celine edo Celine izengoitiaz ezagutua, idazle eta mediku frantziarra izan zen. Celine bere amonaren izena eta bere amaren izenetako bat zen.

Biografia [ aldatu | aldatu iturburu kodea ]

Ferdinand-Auguste Destouches eta Marguerite-Louise-Celine Guilloux senar-emazteen semea zen. Aita aseguru-konpainia bateko enplegatua zen eta ama, jostuna. Amona bordatuen denda txiki bat zuen. Horren herentziari esker, Louis-Ferdinand eskola pribatu batera joan ahal izan zen. Certificat d'etudes diploma lortu eta gero, ikastun eta mezulari lan egiten hasi zen enpresa batzuetan. Halaber, Ingalaterrara eta Alemaniara bidali zuten hizkuntzak ikasteko.

Hemezortzi urte zituenean armadan sartu zen, zalditeriako unitate batean. Lehen Mundu Gerran parte hartu zuen eta larri zauritu zuten. Horren kariaz, beso bat minduta geratu zitzaion eta belarriko burrunbak zein buruko minak izan zituen bizitza osoan. Domina bat eskuratu zuen boluntario joan baitzen zauritu zuten misiora.

Londresko Frantziaren kontsuletxera bidali zuten. Han taberna bateko zerbitzari frantziar Suzanne Neboutekin ezkondu zen, nahiz eta ezkontza ez erregistratu kontsuletxean.

1916an Afrikako baso-ustiategi bateko arduradun izateko izena eman zuen eta Afrikan bizi zen urte batean, non malariak harrapatu zuen. Parisera itzuli zen eta Eureka izeneko zientzia-aldizkarian lan egin zuen. Han Athanase Follet medikua ezagutu zuen. Horrek bultzatu zuen medikuntza ikastera. Gainera, 1919an Athanase Folleten alabarekin, Edith Folletekin, ezkondu zen.

20ko hamarkadaren erdialdean, Nazioen Ligan lan egin zuen, higienearen arloan aditu gisa. Genevan aritu zen, baina bidaia ugari egin zuen; hala nola AEBra , Kubara , Kanadara eta Ingalaterrara . Halaber, Nigerian eta Senegalen bizi zen denboraldi batzuetan. Bidaia horien kariaz, Edith Folletekiko ezkontzak porrot egin zuen.

1926an , Elizabeth Craig ezagutu zuen Genevan . Hori estatubatuarra zen eta berarekin bizi zen Parisen 1933 arte. 1927an kontsulta pribatu bat ireki zuen baina ez zuen arrakastarik izan eta laguntzaile lan egin behar izan zuen Clichyko anbulatoarioan.

1936an , bere hirugarren emaztea izango zena, Lucette, ezagutu zuen. Berarekin bizi zen hil arte.

Okupazioaren garaian Celine Alemaniaren alde agertu zen. Egunkari kolaborazionistetan idatzi zituen artikuluak, nahiz eta batzuk ez argitaratu, gehiegizkoak izateagatik.

1944an , aliatuak Frantzian irabaztear zeudenean, bere jarrera kolaborazionistaren ondorioei beldur izaten dielarik, Frantziatik alde egin zuen emaztearekin. Lehen, Alemaniara joan ziren, eta 1945ean Danimarkara heldu ziren. Han atxilotu zuten, Frantziako gobernuak hala eskatuta, eta urtebete baino gehiago egon zen espetxean.

1950ean , Frantzian urtebeteko gartzelaldiko zigorra ezarri zioten, in absentia . 1951n amnistia eman zioten eta Frantziara itzuli ahal izan zen.

Pariseko aldiri batean, Meudonen , kokatu zen eta idazten jarraitu zuen, baita lagun eta artista batzuk bere etxean hartu ere. Behartsuen medikua izaten ere jarraitu zuen, hil arte. 1961ean hil zen, buruko aneurisma batek jota .