Leonor Cortes Moctezuma ( 1527 edo 1528 – 1594 ) Espainia Berriko Erregeorderriko aristokrata izan zen, Hernan Cortes eta Tecuichpo printzesaren alaba.

Biografia [ aldatu | aldatu iturburu kodea ]

Leonor Hernan Cortesen eta Isabel Moctezumaren alaba izan zen. Amak ez zuen inoiz onartu, bortxaketa baten ondoriozko haurra izan baitzen, eta testamentutik kanpo utzi zuen. ^{[1] [2]} Cortesek alabaren ardura hartu zuen eta Juan Gutierrez Altamiranori agindu zion bere zaintza. ^{[3] [4]}

1546an, Mexikotik Zacatecasera joan eta Juan Tolosarekin , Zacatecasko Bufa muinoko zilarrezko meategiak aurkitu zituenarekin, ezkondu zen. Senar-emazteak Nochistlanen bizi izan ziren. Leku hartan sortu zen Guadalajara , Teocalticheren ( Jalisco ) ondoan. 1547an, aita hil zenean, 10.000 dukatu utzi zizkion. Ama 1550ean hil zen, eta testamentuan aipatu ez zuen arren 1/5 jaso zuen. ^[3]

Senar-emazteek hainbat seme-alaba izan zituzten:

• Juan Tolosa Cortes de Moctezuma, 1550eko hamarkadan jaioa, apaiz eta Zacatecasko bikario bihurtu zena.

• Leonor Tolosa Cortes de Moctezuma, 1564 . urtearen inguruan jaioa, Cristobal Zaldivarrekin ezkondu zen, Vicente de Zaldivarren semearekin, Martin Enriquez de Almansaren (Espainia Berriko laugarren erregeordea) garaiko kapitain nagusiarekin. ^[5]

• Isabel Tolosa Cortes de Moctezuma, 1568 . urtearen inguruan jaioa, Juan de Onate konkistatzailearekin ezkondu zen, Santa Fe de Nuevo Mexico probintziaren sortzaile eta lehen gobernadorearekin. ^[6]

• Beste alaba batzuen izenak ez dira ezagutzen, baina erregistroetan aipatzen dira Sevillako komentu bateko kide gisa 1604an. ^[7]

Genealogia [ aldatu | aldatu iturburu kodea ]

Erreferentziak [ aldatu | aldatu iturburu kodea ]

Bibliografia [ aldatu | aldatu iturburu kodea ]

• Chipman, Donald E. Moctezuma’s Children: Aztec Royalty under Spanish Rule , 1520?1570. Austin: U of TX Press, 2005
• Thomas, Hugh (1993) "La conquista de Mexico: el encuentro de dos mundos, el choque de dos imperios" (2000) traduccion Victor Alba y C. Boune, Mexico, ed.Planeta ISBN 970-690-163-9
• Quijada Cornish, Beatrice (1917). La ascendencia y la familia de Juan de Onate . [1] , 2010eko abenduaren 20an kontsultatua
• Saravia, Atanasio G. Apuntes para la historia de la Nueva Vizcaya . Introduccion, compilacion, bibliografia e indices de Guadalupe Perez de San Vicente. Obras I. Mexico, UNAM, 1993. (Nueva Biblioteca Mexicana) [2]
• Suarez, Ray. Latino Americans: The 500-Year Legacy That Shaped a Nation . EE.UU. Celebra. Penguin Group, 2013 [3]

Kanpo estekak [ aldatu | aldatu iturburu kodea ]