Josephine Marchais
Bizitza
Jaiotza	Blois ,  1837ko apirilaren 13a
Herrialdea	Frantzia
Heriotza	Saint-Laurent-du-Maroni ,  1874ko otsailaren 20a  (36 urte)
Hezkuntza
Hizkuntzak	frantsesa
Jarduerak
Jarduerak	day labourer (en) eta Communarda

Josephine Marchais ( Blois , Loir-et-Cher , 1837ko apirilaren 13a – Saint-Laurent-du-Maroniko barrutia , Guyana Frantsesa , 1874ko otsailaren 20a ) frantziar jornalari bat izan zen. 1871n Parisko Komunan gogotsu parte hartu zuen. Armak zeramatzala atxilotu eta hiltzera kondenatu zuten. Heriotza-zigorra bortxazko lanengatik kommutatu zioten, eta Guyanara deportatu zuten.

Biografia [ aldatu | aldatu iturburu kodea ]

Josephine Marguerite Marchais 1837ko apirilaren 13an jaio zen Bloisen , Loir-et-Cherren , ^[1] ingurune behartsuan eta familia zail batean. Josephine Margueritek berak sei hilabeteko kartzela-zigorra izan zuen; amak, berriz, bost urteko espetxealdia bete behar izan zuen 'lizunkeria' edo 'libertinajea' bultzatzeagatik; ahizpa ere zentzatze-etxe batean egon zen giltzapeturik hogei urte bete arte, eta gero, hiru hilabeteko kartzela-zigorra ezarri zioten lapurretagatik. ^[1]

1871n, Parisko Komunan , Haur Galduen batailoian (bataillon des Enfants-Perdus) ibili zen 'vivandiere' gisa (armadaren janariaz arduratzen zen emakumea). ^[1] Zenbait lekukoren arabera, maiatzaren 22an eta 23an Lille kaleko barrikadan egon zen, fusilaz armaturik eta txapel tirolarraz jantzita. ^{[1] [2] [3]} Josephine Margueritek bere maitalea behartu zuen barrikadan borrokarekin bat egitera. ^[1]

Armak eta zapi gorriak garraiatzen ari zela atxilotu zuten, Elisabeth Retiffe , Eulalie Papavoine eta Leontine Suetens-ekin batera. ^[4] Horrez gain, arpilaketa, lizunkeria eta irainak ere leporatu zizkioten. ^[1]

Josephine Marchais gerra-kontseiluan epaitu zuten, eta heriotza-zigorra ezarri zioten 1871ko irailean. ^[1] Zigorra, baina, 1871ko azaroaren 27an kommutatu zuten eta bizitza osorako bortzazko lanez trukatu. ^[1]

1871n, Guyanako galeretara eraman zuten, eta hurrengo urtean bertan, 1872ko azaroaren 20an, kartzelatik ihes egin zuen. ^[1] Baina handik lau egunera berriro harrapatu zuten, eta bertan hil zen 1874ko otsailaren 20an , ^[1] haren heriotzaren arrazoiak ezagutzen ez direlarik. Beste iturri baten arabera, Marchais ez zen egun horretan hil, eta 1885ean artean bizirik egon zitekeen, jendarme batekin ezkonduta. ^[1]

Erreferentziak [ aldatu | aldatu iturburu kodea ]

• Artikulu hau, osorik edo zatiren batean, frantsesezko wikipediako ≪ Template:Josephine Marchais ≫ artikulutik itzulia izan da, 2022-03-06 data duen 191652838 bertsioa oinarritzat hartuta. Sartze-datarik ez duten erreferentziak, edo 2022-03-06 baino lehenago datatuak, jatorrizko artikulutik ekarri dira itzulpenarekin batera.

Bibliografia [ aldatu | aldatu iturburu kodea ]

• (Frantsesez) MARCHAIS Josephine, Marguerite. LE MAITRON. Dictionnaire biographique. (Noiz kontsultatua: 2022-11-02) .
• (Frantsesez) Edith Thomas . (1980). Les Petroleuses. Gallimard, 195, 196, 203, 262 or. ISBN 9782072879739 . .
• (Frantsesez) Cordillot, Michel (zuz.). (2021). La Commune de Paris 1871. Les acteurs, l’evenement, les lieux. Ivry-sur-Seine: Les Editions de l’Atelier, 1440 or. ISBN 9782708245969 . .

Ikus, gainera [ aldatu | aldatu iturburu kodea ]

Lotutako artikuluak [ aldatu | aldatu iturburu kodea ]

• Parisko Komuna
• Emakumeak Parisko Komunan

Kanpo estekak [ aldatu | aldatu iturburu kodea ]

• Beloki Resa, Elena. (2021) Parisko Komuna: emakumeen hitza eta ekintza argitara . ERRIA (Erreportajeak).
• 150 urte Parisko komunaz: Mugarria historian eta ezkerraren erreferentea . (2020) EITB podcastak. Erreportajeak.
• Kellner, Manuel (2021) Hace 150 anos. Las mujeres en la Comuna de Paris . Rebelion. Feminismos,
• LES FEMMES DE LA COMMUNE DE PARIS / 150 eme ANNIVERSAIRE / TEXTES DE LOUISE MICHEL, JULES JOUY et EUGENE POTTIER / Chantes par Pauline Floury & Severin Valiere
• Michele Gard. LES FEMMES DANS LA COMMUNE . Cine-archives. Fonds audiovisuel du PCF. Mouvemente ouvrier et democratique.