Wikipedia, Entziklopedia askea
Victoriano Jose Martinez Berasain
(
Irunea
,
1886ko
martxoaren 23a
-
ib.
,
1960ko
abenduaren 27a
) nafar politikari
karlista
eta bankaria izan zen.
Banco de Bilbaoko
zuzendaria zen Irunean, eta
El Pensamiento Navarro
egunkari tradizionalistaren administrazio-kontseiluko burua zen.
[1]
Bigarren Errepublikaren
garaian, Iruneko tokiko batzorde karlistako lehendakari eta Nafarroako Eskualde Batzordeko presidenteorde izan zen.
[2]
Nafarroako
Eskuineko Blokearen
buru ere izan zen. Era berean, Familia Gurasoen Elkarte Katolikoko, Eusko-Nafar Erlijiosoen Defentsa Elkarteko eta ≪La Cultural Navarra≫ (maristen ikastetxea ordezkatzea saihesteko eratutako elkartea) kidea zen.
[1]
1936ko uztaileko Errepublikaren aurkako altxamenduaren
prestaketan aktiboki parte hartu zuen
Mola jeneralarekin
lankidetza estuan, eta
Joaquin Baleztena
eskualdeko buruzagi karlista buru zuen Nafarroako Gerrako Batzorde Karlistako presidenteordea izan zen. Bateratze Dekretuaren ondoren, Jose Martinez Berasain izango zen Nafarroako Mugimendu Nazionalaren lehen probintzia-burua.
[3]
Espainiako Gerra Zibilaren
ondoren, 1943an
Elkarte Tradizionalistaren
izenean Franco jeneralari zuzendutako gutun baten hamasei sinatzaileetako bat izan zen. Gutun horretan, ≪saiakera totalitarioa≫ bertan behera uzteko, ≪Altxamenduaren hasierako espiritura≫ itzultzeko eta Espainiako monarkia tradizionala berrezartzeko eskatzen zioten, Espainia ≪sufragio ez-organikoaren "legezkotasun" faltsu demokratikoan berriro eror ez zedin≫.
[4]
1955etik hil zen arte, prokuradore izan zen Gorteetan,
Francoren
izendapenez.
[3]
Tradizionalisten taldeko kide izan zen, ≪estorildarrak≫ izenez ezagutzen zirenak ?
Ricardo de la Ciervarentzat
≪karlismo frankista≫ ziren ?, eta 1957an Alfontso XIII.aren semea,
Joan Borboikoa
, Espainiako errege legitimo gisa aitortu zuten.
[5]